好多人都話呢部係D300S後繼機，畢竟同係APS-C格式單反，而且呢個系列已經有成5年未出過新機，所以新機有大量升級。新2088像素CMOS配EXPEED 5影像處理器，畫質追返被偷走的那5年，但加怪在唔用新嘅2400萬像素CMOS，唔通係保留實力？其實可能係同連拍功能有關，事關D500有10fps連拍能力，最多可以連續拍攝200張，利用埋新嘅反光鏡設計真係快到好似機關槍咁。

至於對焦點就一口氣爆增到153點，當中更有99點十字對焦點，支援-4EV方便低光拍攝，配合Hi 5擴展光度，可以去到ISO 1,640,000，單係數字已經夠霸氣，本身感光範圍就係ISO 100-51200，係繼看家D5之後，感光度第二高嘅單反。除此之外，D500仲有埋4K拍片同WiFi功能，真係除咗唔係全片幅外，其他數值都係旗艦級別，所以售價一樣旗艦級，淨機售價$21800港元。一睇到價錢，我相信唔少人都會話買full frame好過啦。