{ SKIP }
文:MenClub Frey Lai  
POSTED ON 27 Apr 2016
早排成為TIPA Awards 2016最佳專業用全片幅數碼單反嘅Pentax K-1,作為自家第一部全片幅相機都算對fans有個待,日前K-1實機正式到港,淨機售價$16500港元,同場仲有幾支新鏡頭添。

曾經喺今年2月CP+現身嘅Pentax K-1,係Pentax第一部全片幅反,相機用咗冇低通濾鏡嘅3640萬像素CMOS,配上最新Prime IV影像處理器,影出嚟嘅相會比較sharp。功能方面都唔唔錯,首先可以支援唔同RAW格式方便大家後製,內置time lapse片就可以去到4K級數,不過影片就只支援1080全高清。除此之外,K-1亦係第一部有五軸五級防震功能嘅全片幅單反,而且有埋Pixel Shift功能可以利用像素移位方式提升解像度,而且支援動態修正模式,唔使用腳架都可以手持影到更高解像力嘅相。K-1亦佈置WiFi功能,而且有埋GPS同埋AstroTracer,啱晒近年大熱嘅星空拍攝。

機身設計亦係K-1嘅一大賣點,而用開Pentax機嘅應該好快上手,事關menu同掣位布局都係一貫風格,而且機頂轉盤功能夠多,HDR同RAW格式等功能都可以用轉盤搞掂,最特別就係佢機背3.2"屏幕用支架設計,用落其實唔覺特別正,其至覺得冇傳統反芒咁就手。反而機身卡槽、鏡頭接環同埋屏幕後面都有細燈仔,喺低光環境下就幾有用。

用Penatx玩full frame一定要識玩被稱為「三公主」嘅31mm F1.8、43mm F1.9同77mm F1.8呢幾支定焦鏡,今次K-1可以令三公主重出江湖,而且隨K-1推出嘅四支full frame新鏡頭,分別係15~30mm廣角變焦鏡頭、24~70mm標準變焦鏡頭、28~105mm標準變焦鏡頭同埋70~200mm遠攝變焦鏡頭。

發布會結束時撞到影星達人不動明王,當然即問下佢點睇K-1啦,事關佢一早已經玩過部機。「K-1內置Astro Tracer對影星嘅人嚟講係好方便,因為唔使用追星儀,都可以有比普通相機更長嘅曝光時間。追星方便得嚟亦唔拍拉線,而且可以用返低ISO影令畫質提升。另外,我幾欣賞佢card slot同鏡頭插位等都有燈仔,因為影星成日都黑媽媽,換卡換鏡都有燈仔照住,就唔怕有其他光源影響曝光,係一個幾細心嘅設計。」



捷成消費品‧2926 2300


自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024