麥拿侖（McLaren）一級方程式（F1）賽車

麥拿侖（McLaren）F1超級跑車

早喺2002年時Compaq已被HP收購，就連Compaq產品線都冇埋。到底係咩原因令麥拿倫鍾意Compaq呢？好多人都以為係秘密武器，但麥拿倫工程部人士透露嘅原因真係震撼60億人。佢話當年係要靠Compaq嘅CA card連接部汽車同電腦，而呢個方法咁多年來都冇變過，結果一用就20年。不過呢位工程人員亦補充因為Compaq已經愈來愈少，而且亦開始唔穩定，所以公司已經整緊新介面。

大家聽落可能會覺得麥拿倫好脫節，但同類事件仲有好多。就好似英國政府同美國海軍都每年畀錢Microsoft，要求幫XP續命，事關佢哋系統仲未更新。講返近啲，你睇我哋政府嘅網站有唔少仲未支援Chrome，仍然停留喺IE世界。有部份仲好意思只支援800x600解像度，仲建議大家用Netscape睇添。