小米為咗顯示夜晚實力，喺夜晚搞咗次試飛直播，不過就出晒事。直播影片長1:06，影片用上下分割畫面方式直播，分別影住控制員同埋無人機拍緊嘅畫面，直播去到尾段時無人機突然墜機，控制員拋下一句「我操，趕緊把直播切了」之後就黑畫面，不過奇怪在墜機之後直播畫面竟然正常，點解呢？雖然事後有人解釋係冇電，但理由實在牽強，難怪大家都覺得直播造假。

講返小米無人機有分1080P同4K兩個型號，飛行速度為每秒18米，而電池續航力為27分鐘。兩個型號都用PCB陣列天線加訊號，減少失聯情況，有齊GPS同GLONASS呢兩個定位系統之餘，仲加入Geofence地理圍欄功能，令無人機接近禁飛區時會自動停低懸浮。4K版嘅飛行同訊號接收範圍係2公里，為1080P版嘅2倍。1080P版就賣2499人民幣，而4K版就賣2999人民幣，將會係市面上最平嘅4K無人機，預計7月上市。

最後提一提，其實小米無人機其中一個特點係電量不足時，會計算高度同距離而發出返航提示，唔知今次冇電又點計呢？