i-Rocks Fun原理好簡單，鍵盤面板可以更換成LEGO底板，各位LEGO愛好者就可以自行運用自己嘅創作力量同幻想，將自己嘅LEGO組件砌上鍵盤面，裝飾鍵盤，唔使日日對住同一個黑色鍵盤咁Dry，打字都打得開懷啲。LEGO面板採用塑膠製，邊長設有56x18個顆粒，雖然部分位置因要遷就按鍵位置而令顆粒間距不一致，不過大家一樣可以自行加多塊LEGO面板上去解決「土地問題」，增加實用面積。

鍵盤配備基本的USB接口、打機機械鍵盤的N-Key rollover全鍵無衝突功能，以及LED背光燈顯示，分為青軸、茶軸、紅軸與詭軸4款配置，分別主要在於觸發點，所需壓感由重至輕排列，切合不同用家的要求。當然價錢都有分別，茶軸、紅軸賣3,090台幣，青軸賣3,190台幣，詭軸則賣3,490台幣，套裝連LEGO面板一塊；4款鍵盤現時在網上已完成集資，預計9月起出貨，有興趣可以去睇睇。