Kodak上年推出IM5手機，雷聲大雨點少，得1GB RAM同8G ROM，結果完全冇人想理佢。事隔一年，今次發表Ektra就對辦得多。Ektra配備5"全高清屏幕，2.3GHz Helio X-20十核處理器，記憶亦升至3GB RAM加32GB ROM，行Andriod 6.0 Marshmallow應該唔會有問題。

至於主打影相功能，Ektra更非常勁抽。2100萬像素主鏡頭用Sony IMX230感光元件，f2.0光圈兼有光學防震，低光拍攝都有一定水準。除此之外，Ektra仲拍到4K片，就連閃光燈都有冷暖色溫控制，加上1300萬像素自拍鏡頭。做開相機咁多年，當然知道拍攝時應該注意邊啲細節啦，所以操作介面加入轉盤式操作，機身又專登加厚手把位，而且仲有實體快門算同埋蒙皮機身，睇得出Kodak絕對係想靠Ektra省招牌。Ektra定價為449美鎊，大約$4,300港元，預定今年12月發售。