Amazon Go並唔係平時大家上網買嘢嘅網店，而且係一間實體便利店，以app為核心嘅購物系統。大家只要利用裝好app嘅裝置，然後好似八達通咁嘟一下入閘就可以開始買嘢。鋪頭內嘅貨架同貨物都有感應器，你每拎起一件貨物，都會自動加入app內嘅購物藍，當你猶豫擺放返低的話，件貨又會由購物藍取消。成個過程就係嘟一下，入去買走自己要嘅嘢，非常簡單方便。

雖然唔使排隊畀錢，但一樣要埋單，只要你一出門口，已加入購物籃嘅貨物就會全部扣錢埋單。目前Amazon Go便利店只係開放畀員工試用，如果將來普及的確係好方便！。唉，又要危言聳聽，呢個模式雖然方便，但咁落去又會有大堆人失業，真係要為自己將來生存作好打算。