{ SKIP }
文:Henry Siu  
POSTED ON 15 Jan 2016

「順得人」、「又有魅力」、「任人入」、甚至「歡迎亂入」,姑勿論係人、係死物,抑或係鬼,都一定會被男人視為「好相與」嘅「好東西」。

來自美國的威士忌,其木桶被廣泛使用,並被用於陳釀其他種類威士忌,係其中一種最熱門、歡迎其他酒亂入的「二手木桶」。

咁好人,又可以畀人亂入,總有啲原因,咁要先瞭解一下乜嘢係波本酒。



波本威士忌(Bourbon Whiskey)以51至75%玉米穀物發酵蒸餾而成,在新的內壁經烘炙的白橡木桶陳釀4至8年(一般都做到比法例要求高,以下篇幅會補充),酒液呈琥珀色,原體香味濃郁,口感醇厚綿柔,回甘味長。

咁Bourbon究竟係乜?

唔係人名,就係地方名咯!

Bourbon係美國肯塔基州(Kentucky)一個地名,因此,波本威士忌又被稱為Kentucky Straight Bourbon Whiskey。

有必要留意:波本威士忌不一定指必須在Kentucky Bourbon生產。

 

美國對波本威士忌的定義要求相當具彈性。

按美國酒法規定,只要符合以下3個條件的相關產品,都可以稱為「波本威士忌」:

第1,釀造原料中,玉米至少佔51%,

第2,蒸餾出的純酒其酒精度應在40至80度;

第3,以酒精度40~62.5度貯於新制燒焦橡木桶,貯存期在2年以上。

所以,美國其他很多州,好似伊利諾、印第安那、俄亥俄、賓夕法尼亞、田納西同密蘇西里州,都有出產波本威士忌。

咁當然啦,只有肯塔基州出產稱得上Kentucky Straight Bourbon Whiskey,其原料用51%的玉米,經過兩次蒸餾,酒精含量在40%至60%。




波本威士忌與一般威士忌的釀造過程類似,不過,前者喺細節要求較嚴格。

首先,原料需先行粉碎及糖化。

然後發酵,加入上批酒蒸餾時剩低嘅酸麥芽漿(Sour Mashing)。

完成後,進行兩次的蒸餾:

第1次蒸餾時酒液的酒精度在50%至60%,同時將酸麥芽漿留下,以供下批酒的發酵備用;第2次蒸餾:主要提煉和濃縮酒液中的芳香性物質,同時提高酒精度。

完成蒸餾再進行熟成:新蒸餾出來的基酒先將酒精度稀釋到 62.5% 以下,再放入經碳烤的新橡木桶中。

最後一步,將不同的橡木桶,甚至不同酒廠的基酒混合調配。

 

其實,仲有所謂的田納西威士忌(Tennessee Whiskey)產自田納西州,與波本威士忌的釀造工藝基本如出一轍,當地釀酒師可能都是金牛座的,硬是認為它與波本威士忌大大不同,所以將之命名為田納西威士忌。

粗略啲講,田納西威士忌與波本威士忌,彷彿就是干邑與白蘭地。

換句話講,田納西威士忌不過是生產於田納西州的波本威士忌。

當中的代表品牌,你一定飲過,正正是夜場恩物(係係係,我偏見,邊係夜場唧,各大酒品品牌嘅公關大員唔好鬧我)的Jack Daniel’s。



再講波本桶(Bourbon Casks),即是盛載波本威士忌嘅木桶。

上文提過,美國法例規定威士忌一定要用全新橡木桶進行陳釀, 咁用過一次嘅木桶,唔通就不能再用,要掉晒去垃圾站?

應該冇人咁蠢啩?呢啲「二手桶」順理成章地賣去蘇格蘭陳釀當地的威士忌。

咁點解要用呢啲「二手桶」?

好簡單,因為新桶嘅單寧味太重嘞!亦都太粗獷,唔夠幼細,更加冇層次。

咁點解偏偏要揀波本桶呢?

因為呢種二手貨能為蒸餾過嘅純酒帶來好多正面嘅「好」影響,例如色澤、口味等等。

喺波本桶陳釀嘅威士忌, 色澤會偏向較淡的金黃色,原則上喺波本桶陳釀過嘅威士忌都會帶有香草、椰子、花香、熱帶果、蜂蜜等比較淡雅清新的氣味特質。

當然,世界上有好多種木桶畀你揀,但現實啲講,波本桶供應量大,比起另一款人氣木桶「雪利/些利桶(Sherry)」嘅成本低得多,被大量採用理所當然。

講到木桶,其實有好多講唔完嘅有趣地方,日後詳談。




以下3款波本威士忌較易喺香港買到,亦係筆者心水,值得介紹 

Jim Beam (Kentucky Straight Bourbon Whiskey)

始於1795年,品牌創始人Jacob Beam售出了他的第一桶威士忌,及後這個美國本土歷史上數一數二最悠久的波本酒品牌,它們歷經了家族七代釀酒師到現在,依然是全世界和全美銷量最頂尖的波本威士忌。其產品最少經4年陳釀,比法定的陳釀時間至少長2年。

色澤是金黃麥杆色,帶有橡木、香草和香料氣息,味道有飴糖和香草的芳香,烈度溫和但帶醇香。其Aftertaste也是純淨甘甜而不含糊的。



Maker's Mark (Kentucky Straight Bourbon Whiskey)

自從1958年,肯德基州Loretto的Maker’s Mark蒸餾廠,就已經開始釀製其波本威士忌。它是Bill Samuels首創的烈酒,當年採用質感柔和的紅冬麥,這種口味獨特的穀類替代了裸麥,最終創造出Maker’s Mark如此具特色的味道,當然玉米依然是其主要材料。

酒樽口一大片以手工封上的紅蠟是其一大特色,說到其酒液的色澤呈深金色,香氣偏向甜美,帶有濃郁的拖肥、烤熱帶菓、土司與焦糖香的味道。酒精味極淡而香氣也很集中。口感豐富、帶有如奶油般的木桶風味,前味有焦糖及香草香,整體非常柔順。悠長的辛辣味尾韻,伴隨多彩四溢的木桶香氣,但卻沒有一般陳年威士忌經常帶有的苦澀味。




Jack Daniel’s Tennessee Honey

Jack Daniel’s你可能飲唔少,這樣甜蜜蜜的口味你又試過未?創立於1866 年,作為田納西威士忌最響負盛名的代表,其實Jack Daniel’s的產品相當具多樣性,像這支蜂蜜威士忌其實在當地並不算什麼新奇事,當然推出是也算是第一支品牌的新口味。

Jack Daniel’s的產品有個特別之處,就是從蒸餾得來的基酒在進入木桶熟成前的“醇化”過程,即讓酒液經過3米厚的糖楓木炭過濾,這支酒的原酒也不例外。它是以旗下一般的Old No.7系列酒混入特別的蜂酒。它帶有微妙的辛辣口味、甘甜味和花香,蜂蜜以外,還讓人聯想到伴隨著核果、檸檬、拖肥和咖啡的味道,並帶有悠長順滑的口感。有趣的是它可以配以冰塊,甚至調以一杯咖啡去飲。





CASIO G-SHOCK推出嘅「農家橡樹」GA-2100系列近年再牽起一股電子錶熱潮,品牌亦力推女性市場,繼2021年推出女性向嘅「GMA-S2100」系列後,最新又推出更嬌小、顏色更柔和嘅「GMA-P2100」系列,或者會係大家嘅情人節禮 ...
watchesandwine
【潮流】ITZY代言!G-SHOCK「農家橡樹」推更嬌小女裝版
22 Jan 2024
日本威士忌品牌「WHISKY MEW」主要銷售由日本著名威士忌收藏家「山岡秀雄」親自試出及推薦嘅威士忌,並經常與各大日本動漫作品合作推出聯乘作品。而最新嘅聯乘,就係同士郎正宗創作嘅著名Cyberpunk作品《攻殼機動隊 ...
watchesandwine
【日本】WHISKY MEW聯乘《攻殼機動隊》推限量威士忌
10 Jan 2024