法國國家工藝局 (INMA) 將 2015 年度「未來藝術大師 Avenir Métiers d’Art」全國一等獎頒咗俾一個木盒，你無睇錯，係一個木盒。呢個盒由布勒高等藝術學院 (École Boulle) 兩位學生Corentin Ollivau、Clément Demarson共同製作，佢地同江詩丹頓合作，將呢個木盒融入鐘錶功能，賦予一件藝術品更強大嘅生命力。

Corentin Ollivau、Clément Demarson

江詩丹頓同布勒高等藝術學院有個 Special Project，名為「工藝與設計：專業技能共用」，呢兩位學生就以自己嘅專業 : 雕劇同木藝，整咗一個非常優雅嘅展示盒。靈感來自巴黎城市自身，展示盒採用多層紋理質感嘅野果花楸（梨樹同科樹木）製成，其中環環形內壁刻有精美嘅光明之城地圖。

木盒兩側各隱藏咗一個抽屜，可以存放各類工具，而時計則通過一個獨創嘅輪系結構呈現於展示盒中間位置一個平台上，正好位於雕刻嘅巴黎地圖之上。

Clément Demarson解釋：「悉心觀察呢件作品之細節與其人體工學設計，就能夠品味出個展示盒於使用時，嗰種不言而喻嘅儀式感。」呢件獨一無二嘅作品將於江詩丹頓巴黎和平路專賣店展出。