講起 Craft Beer，首先我地要講一吓乜嘢叫手工啤，喺無既定標準之下，美國酒業協會 （Brewers Association）將手工啤定義為「產量少」、「獨立製作」、「以傳統手法釀製」嘅啤酒。Craft Beer一詞約莫出現於80年代，泛指低產量，用啤酒花 (Hops)、100% 麥芽 (Malt)、獨特酵母 (Yeast) 製成嘅新鮮啤酒。睇落同大廠啤酒無乜分別，但點解飲家們願意用咁貴嘅價錢去飲 Craft Beer?

一、新鮮度

Craft Beer 其中一個特點係新鮮度十足，一般商業大廠嘅啤酒，生產啤酒到你手上飲用，可能已經有超過半年時間。但Craft Beer釀製過程比較快速，大約需要1至兩個月，加上幫襯本土酒廠，運送時間就更短，新鮮度呢個強大優勢，唔係傳統商業啤酒可以比擬嘅。

二、變化多，夠獨特

商業啤酒為咗降低成本，肯定係工廠式大量生產，味道變化唔會大，亦唔會多。相比之下，手工啤酒嘅靈活性就高得多，因為小批量生產，釀酒師可以成日更改 recipe，嘗試更多新嘅創作。例如香港好出名嘅門神 Brewery，有香桃味濃嘅孫悟空紅啤 Amber Ale，又有espresso咖啡味濃嘅灶君蜂蜜黑啤，加上辣椒、香料整個系列變化多端。加埋其他獨立細廠嘅作品，真係多到你一年都試唔哂。

三、味道細緻

「整枝冰凍嘅啤酒」喺Craft Beer嘅世界就唔係好啱用啦，因為釀酒師於手工啤之中加咗好多香味嘅變化，杯酒溫度過低，會影響酒香嘅揮發，同葡萄酒品鑑嘅道理係一樣，你先要聞香，再入口品嚐。最佳嘅品嚐溫度要響4℃以上，而愈強調苦澀嘅手工啤，享用時嘅溫度更加要高啲。

四、質素較高

五、多本地製作

同睇電影一樣，就算貴，都應該支持本土製作啦。除咗門神之外，香港Craft Beer Brewery仲有少爺啤、麥子Mak’s Beer、前身係南華啤酒嘅香港啤酒、Yardley’s Brother、黑鳶、鬼佬啤、City Brew、獅子山啤Lion Rock等等，再加上有自家釀酒設備嘅酒吧，小小一個香港計計埋埋十幾間，可以而知香港人其實好鐘意飲啤酒，而且本地薑只要做得好，一定有生存空間！