經過20寒暑之醞釀，Chopard蕭邦呈獻嘅舞曲，係放眼世界嘅創作。1996年品牌之父Louis Ulysse Chopard於Fleurier創建全新蕭邦錶廠，今年適逢20周年，大家都期待，呢個遵循傳統工藝嘅鐘錶品牌，會有咩驚喜俾到錶迷。醞釀多年，Chopard嘅答案係品牌首隻GMT腕錶L.U.C Time Traveler One，同埋首隻配備雙時區機芯嘅L.U.C GMT One。

L.U.C Time Traveler One

隨住交通網絡嘅發展，人類於地域間穿梭嘅障礙就愈來愈小，即使在地球另一邊嘅國度，計到盡都係10來小時嘅飛行時間，而呢個時間亦開始逐漸縮短；以之推論，旅行腕錶確實擁有無可比擬嘅市場潛力。

L.U.C Time Traveler One

Chopard L.U.C Time Traveler One，以同心圓設計顯示日期、本地時間、24個主要時區等訊息，由內至外錶盤分成4個功能圈。第一圈搭配最短嘅指針顯示日期，第二圈顯示本地時區，可以透過兩點鐘位置嘅按鈕進行調整；第三圈有24小時刻度，最外圍係24個主要城市時區，而用家亦可以用4點鐘位置嘅按鈕進行操控。

42mm錶殼，搭載L.U.C 01.05-L自動上鏈機械機芯，提供60小時動力儲存。L.U.C Time Traveler One總共有3個錶款，不鏽鋼殼配黑色緞面太陽放射飾紋錶盤 (CHF 12,800)、18K Rose Gold錶殼襯銀色錶盤 (CHF 22,500)，最貴嘅一款則屬鉑金錶殼配灰綠色盤面，隻色睇落好特別，售價CHF 35,200；全部款式都會跟鱷魚皮錶帶。

L.U.C GMT One

另一款新錶L.U.C GMT One同樣有兩環同心圓設計，圓形緞面GMT位於盤面外圍，配搭有SLN夜光塗層嘅橙色指針，而上下半圈則以不同底色作區別。黑色盤面經過緞面處理，6點鐘位置一個日期示窗，同樣2、4點位有按鈕調較本地時同埋日期。

42mm不鏽鋼錶殼，襯拋光錶圈，搭載新型L.U.C 01.10-L機芯，提供60小時動力儲存。售價為CHF 9,500，即港幣74,000左右。