{ SKIP }
文:MenClub Mean娜  圖:MenClub
POSTED ON 09 Dec 2016

每年聖誕都要孤零零咁聽住「Lonely~Lonely Christmas~」,真係聽到人空虛寂寞凍,奈何日復日、年復年,陪伴你嘅,依然都只有左右手。時間耐咗,甚至連FF嘅能力都被凍結︰同女朋友過聖誕,係咩感覺架?儘管你攪盡腦汁,都幻想唔到有另一半嘅Christmas該是如何甜蜜。I know that feel bro,所以今年MenClub特別為你搵來活潑可愛嘅女朋友Sarah,同你過一個不一樣嘅聖誕節,No more市集、No more影公仔,一個屬於你同女朋友嘅獨特聖誕。Enjoy。





【浪漫宿營】

提到同女朋友第一次出外過夜,不禁聯想到當年房祖名同薛凱琪拍嘅《早熟》,嗰種青澀情懷,真係充滿心動感覺。喺大片星空包圍下,同女朋友互相對望,再輕輕烙下唇印,遠比喺酒店賓館過夜來得深刻浪漫。


位於天水圍嘅「名樂漁莊」有多款特色營帳任你選擇,例如喺外國好流行嘅露營車,雖然車仔細細,但五臟俱全,除咗有床、梳化及廁所浴室外,就連煮食用具都包埋,夜晚打開天窗,仲可以望到星空,確係唔錯。





如果喜歡住家感覺,「名樂漁莊」仲有成間屋仔咁款嘅營地你揀,入到去好似迷你酒店,乜都有齊,不過分別在於呢個「酒店」設於戶外,成件事即刻有Feel咗!





覺得啱啱介紹嘅營地未夠Home Sweet Home?仲有一間好介紹!另一款較大嘅屋仔營地,全屋以木為裝潢重點,中間仲有條小走廊,好有日式感覺!




不過要數當中最浪漫嘅,就一定係由法國設計師Design、十足透明泡泡嘅波子營,想像下一瞓低就可以望見美麗嘅星空,身邊仲有最愛嘅人陪伴,呢個聖誕,又點會寂寞呢?




Mingle Farm 名樂漁莊

地址︰天水圍天慈路馮家圍30號
電話︰2891 8263



【活力郊遊】

聖誕唔想下下同人逼餐懵,不如同女朋友出走郊外,感受下大自然之餘順便影靚相呃Like。仲記唔記得由1958年就開業嘅「精神書局」曾經一度結業?其實佢而家喺西環重振旗鼓,仲增設出租單車服務,貼心地幫你計劃埋路線,等你可以享受郊遊樂嘅同時,做個有深度嘅文青,將書同單車二合為一,咁樣過一Day,夠晒豐富啦!



踏上單車,第一站可以先去西環碼頭,該處除咗有公眾貨物裝卸區,等你可以好Chill咁影貨櫃Background相外,仲有傳說中海天相連嘅「天空之鏡」可以影,不過聽講要雨後先容易影到「天空之鏡」嘅效果,想挑戰的話要把握時機。







第二站可以去中山公園,於大片草披上共聚野餐,放鬆心情Relax一下。



再嚟就去西環泳棚,欣賞美麗嘅日落景致。不過留意返泳棚好多人排隊影相,唔鍾意等嘅,勸你直接Skip咗佢……



最後可以回到原點,回歸「精神書局」,還完單車再一齊睇下書睇下漫畫,完成文青嘅一天。




精神書局

地點︰香港西環德輔道西408號後座G/F
電話︰2559 3913



【熱鬧商場】

如果真係想感受節日氣氛去多人熱鬧嘅地方,影聖誕裝飾就一定唔少得!不過全香港咁多裝飾,冇理由18區區區影晒,識得影,一定係影特別嘢,家下就推薦三款過你!


德福廣場今年特設「浪漫星.光館」以及「幻彩萬華鏡」。「幻彩萬華鏡」只要企喺巨型萬花筒裝置前擺Pose影相,就會好似置身萬花筒嘅夢幻效果。














「浪漫星.光館」就用特別裝置,營造出流星同北極光效果,等你可以喺香港都有置身北歐嘅感覺!




德福廣場 穿梭聖誕魔法
地點:德福廣場1期及2期中庭



另外將軍澳PopCorn「聖誕夢幻鏡之國度」就設置兩個巨型節日裝置,分別係「炫目鏡迷宮」,以及參考東京「星光花園」嘅「浪漫星海」。


「浪漫星海」係將一串串LED星燈濃縮到鏡屋入面,然後由天花懸垂而下,營造出被星星包圍嘅璀璨星空。











PopCorn「浪漫星海」
地點﹕PopCorn地下大堂


至於「炫目鏡迷宮」就係運用鏡片嘅互相反射,營造出多個奇幻空間,讓你迷失於鏡子世界之中。














PopCorn「炫目鏡迷宮」
地點﹕PopCorn一期一樓大舞台


而青衣城「冬日光影幻視藝術之旅」就引入全港首個以夜光幻視藝術 (Dark Art) 所製嘅「魔法聖誕屋」,透過特製嘅夜光顏料,喺屋內畫上肉眼睇唔見嘅圖案,再利用光源嘅變換,令隱藏圖案剎那間浮面突顯不同嘅景象。







仲有由 25米平方米傾斜巨鏡同巨畫組合而成嘅「反地心吸力浪漫自拍區」,可以喺畫作上瞓低擺 Pose,再經由巨鏡反映,變成有趣嘅照片。






青衣城「冬日光影幻視藝術之旅」
地點︰青衣城大堂



【甜蜜Art Jam】

聖誕最憧憬就係兩人甜蜜嘅氛圍,合作完成愛情小結晶,唔單只夠Sweet,仲可以令二人感情昇華。喺Choco L' ART Studio入面,你可以一邊畫畫,一邊品酒食嘢,最特別係Studio可以提供家品畀你畫畫畫,兩人嘅畫作不再局限喺一般畫布上,甚至可以展現喺時鐘、Cushion、茶机上,將成品放喺屋企,望見心都甜晒!







Choco L'ART Studio

地址:灣仔皇后大道東119至121號欣景閣2樓B
電話號碼 :6695-1161


Wardrobe's Credits︰
CLUB MONACO/IBLUES/USH/MONKI/AMERICAN EAGLE OUTFITTERS


女生們經常說「如果一個男生有愛心/孝順,那他差極也有個譜。」但你卻很少聽到有男生把「有愛心」和「孝順」列為擇偶最主要的條件——就算真的有人這樣說,你也不會信吧? 但世上總有人能夠用愛心打動一切,例如Sar ...
xmas
愛心の彼女 - Sarah Chan 陳婉晴 (與Guinnix)
20 Dec 2016
有甜美的外貌,又是不是代表她本人就是個甜美的女生?出道八年,難道又不可以是個新人?
xmas
甜美の彼女 - Hillary Lau劉沛蘅
16 Dec 2016