揸車最怕塞車，塞車最怕遇上急尿加肚餓，大人（尤其男人）尚且較容易「忍得到」，細路仔、長者、女性就較「難忍」。香港地方雖然唔大，但塞起車上嚟，真係冇辦法停到車，所以有必要喺車放定幾個流動洗手間（尤其係同車有小朋友）。

圖片來源：日本汽車雜誌《CarTop》

圖片來源：日本汽車雜誌《CarTop》

日本汽車雜誌《CarTop》最近做咗個專題試用幾款流動洗手間，雖然呢幾款產品未必有得喺香港賣，但少部份香港嘅汽車用品店或淘寶網店都有類似產品，就算唔用，都了解吓，又或者介紹畀friend試吓。

圖片來源：日本汽車雜誌《CarTop》

圖片來源：日本汽車雜誌《CarTop》

圖片來源：日本汽車雜誌《CarTop》

第一款以硬卡紙紙盤與厚袋膠袋組成，打開包裝，順住紙盤嘅接合位，好易就砌出個小型廁盤，先將水份凝固劑（類似高份子聚合體）倒入廁盤內的膠袋，然後可以「洩洪」，廁盤容積約500c.c.（所以提你要準備定幾個，飲得水多點算先？）。製造商聲稱廁盤有足夠剛性可畀兒童坐上去（希望冇老點）。

圖片來源：日本汽車雜誌《CarTop》

圖片來源：日本汽車雜誌《CarTop》

另一種，男女都用得，袋口夠大，另針對男女用家身體結構，設有特 別導入口，不過，呢款嘅用法要企喺度，似乎啱喺夜晚去到山頭野嶺或高速公路邊，搵自己部車遮住用合適啲。呢款容積有1000c.c.，內藏水份凝固劑，方便完紮番好，成袋放入垃圾桶就得。

圖片來源：日本汽車雜誌《CarTop》

圖片來源：日本汽車雜誌《CarTop》

圖片來源：日本汽車雜誌《CarTop》

圖片來源：日本汽車雜誌《CarTop》

圖片來源：日本汽車雜誌《CarTop》

圖片來源：日本汽車雜誌《CarTop》

圖片來源：日本汽車雜誌《CarTop》

不過，呢類流動洗手間唔對應「大job」，講真，「開大」要面對嘅已經唔係廁盤容量咁簡單，到時一人解脫，全車人受罪。唔怪得有人話買車都係買新車好。