呢幾日大家應該睇咗好多片，話啲外國人防疫意識低，唔肯戴口罩，搞到疫情難以受控。咁你話係咪所有外國人都唔鍾意戴口罩呢？又唔係喎，好似呢個Abigail Ratchford咁，咁喺IG戴住口罩拍條片，提醒大家戴口罩嘅重要性！

Abigail來自美國，係目前世界上最出名嘅性感模特兒/網紅之一，IG有成900萬人Follow，而喺2017年我亦曾經同大家介紹過佢。而早幾日佢就喺IG Post咗條片，片中嘅佢戴住口罩、一呼一吸之間個心口起起落落頗為好睇。但更好睇嘅係網友留言，有人繼續重覆「冇病唔使戴口罩」嘅論述，有人就調戲下佢，最好笑係有人話佢戴嗰個係LV出嘅口罩，冇實際防疫用途。

事實上，今次亦唔係Abigail第一次以疫情為主題出Post，根據外國網站「Inquisitr」報導，Abigail亦曾經以一套粉紅色養蜂人衫黎代表保護衣，某程度上都算係提醒緊大家防疫知識呀？況且睇到佢其他相個人都開心啲啦下嘛？