{ SKIP }
文:MenClub William
POSTED ON 03 May 2018
又到一年一度向老媽子表達愛意同荷包深度的母親節,與其帶她去睇「五月天母親演唱會」(李龍基我阿媽可能鍾意),我就不如簡單一點食餐勁食餐豪仲好,況且做嘢太忙邊可能一星期五日在家食飯,孝子無得日日做,但今次有機會做孝子,無藉口啦。

琥珀腿蓉浸時蔬

傳統中菜最穩陣

老媽子比較傳統,都係要食中菜,不過竟然話要食好一點,我就確保不會在街坊酒樓食。位於荔枝角的大公館,正宗粵菜廳萬慶軒,行政總廚陳偉庭曾任米芝蓮三星級食府,擅煮粵菜,數道母親節菜單如「南非鮮鮑魚炒鴿甫」,花工夫得來亦矜貴,「松茸菌竹笙雞片清湯」則屬滋補湯水。套餐最後以精美的「紫薯玫瑰花包」作結,還有「即做豆腐花」,自己親手製作,阿媽食得清淡,我實知道。

大公館 - 萬慶軒

地址:荔枝角長義街9號D2 Place一期10樓A

電話:2743 8055

價錢:6位用家庭宴會菜單 $4,288起

新潮中菜點心Brunch

中環新潮Fang Fang就有推出一直廣受好評的點心Brunch,前菜已經有波士頓龍蝦雜菜沙律,8款選用矜貴材料的點心任點任食,另有四川辣子安格斯牛肉、叉燒一字骨、小蜜蜂糖烤智利鱸魚等9款主菜任擇其一。最特別是可以加配任飲香檳、紅白酒、清酒及多款特色雞尾酒,如果你有一個新潮阿媽,咁帶點酒精嘅Brunch其實諗得過。

Fang Fang
地址:中環蘭桂坊雲咸街33號LKF Tower 8樓
日期:5月13日(星期日)12:00pm - 3:00pm

電話:2983 9083

價錢:成人$398/位、小童$160/位,每兩位成人惠顧,一位小童(不到10歲)可免費享用 / 酒精飲料無限暢飲,加$250(酩悅香檳,紅白酒,清酒,含酒精的冰茶);非酒精飲料無限暢飲,加$50。

日系矜貴懷石料理

老媽子愛日食,不妨考慮新日本料理La Bombance,東京店已屬明星店,渡邊謙及中田英壽皆為座上客。2016年初登陸香港,日本總廚岡元信主理的懷石料理,結合傳統日本、法國及其他國家料理手法。今次母親節供應的8道菜懷石晚宴,當中包括日本大蜆日式高湯,主菜如矜貴的香煎法國藍龍蝦配鵝肝及夏季黑松露,以及頂級宮崎地雞等等。

La Bombance

地址:銅鑼灣登龍街18號V Point 30 樓

日期:5月13日 6:00pm – 9:30pm

電話:3188 3326

價錢:$1,280/位,*另加一服務費

盞鬼粵菜冧媽子

香港飲食集團新貴灶神集團進駐的中環擺花街8號,燒乜、魚有魚味、還有李好味,各擅一門。李好味舊年更推出過「謝媽宴」,今年再接再勵推介2018版本。菜式一向都新潮玩味,不過當你讀出餐單時,你阿媽一定掩面大笑,好似「李的芋法」炸芋角、「酥蝦仔」家常鹹蛋黃老虎蝦、「遮風擋乳」燕窩蛋白杏仁茶及「對你愛不圓」紅棗桂圓雪耳水晶圓,係好sweet,不過我阿媽應該甜死。

李好味

地址:中環擺花街8號地下及1樓

電話:2896 7688

價錢:每位$520,兩位起,均另收加一服務費

名廚招牌意菜

上個月先提及廚神Jean-Georges快閃出現在中環Mercato by Jean-Georges,無食到唔緊要,今個月同老媽子補返一餐。上了年紀,味覺似乎傾向清淡,餐廳供應母親節特別菜單,當中數個菜式都的取材都簡單清新,如用上甜豌豆、蠶豆、羅勒醬的自家製扁意粉、羊肚菌奄列、黑松露意大利薄餅。菜單設計供多人分享,所以一家大細去食最為划算。

Mercato

地址:中環蘭桂坊德己立街30-32號加州大廈8樓

日期:5月13日午餐及晚餐時段供應

電話:3706 8567

價錢:每位$488 +10%,兩位起

最後的殺手鐧

最後如果各位真係決定唔到,但又堅持唔俾老媽子開爐頭,我仲有最後的辦法,就係上年我都曾經介紹過的網上平台MobiChef,廚師上門煮大餐的服務,依家有更多的廚師加入,四川菜、法菜、中東菜或者是素菜一樣可以為煮,考慮下啦。


網址:www.mobichef.com

價錢:每個廚師不一,菜單6位起,每位$500起

對於香港人黎講,打邊爐素來都係不分季節嘅美食,即便係過去疫情期間大家出唔到街,但都可能會買急凍料返屋企食餐好嘅。好似本地網店ChumPlus就曾經於疫情推出急凍牛雜鍋,更大賣超過十萬份。近日佢哋更進駐觀塘巧得 ...
gourmet
【火鍋】疫情期間賣出十萬份 觀塘青藤椒牛雜鍋
21 Jun 2023
近日外國傳媒爆出,以「Salt Bae」之名走紅嘅土耳其籍廚師Nusret Gke,近年身陷多宗與前員工之間嘅官司,當中嘅罪名包括佢「剋扣貼士」、性別歧視、於餐廳內不公對待員工等。令佢原本就唔太好嘅名聲進一步受挫。 ...
gourmet
【美食】剋貼士、性別歧視「Salt Bae」被前員工連環控告
27 Apr 2023