{ SKIP }
文:MenClub I Am Deep D  
POSTED ON 27 Apr 2018

講嘢最緊要有牙力,睇劇最緊要係講實力,係,你睇條題,一定以為入到嚟係睇靚女,我明,你亦都冇錯,但我哋MenClub唔係睇靚女Only,我哋嘅終極目標係提升大眾品味嘅,You Know!以下嚴選幾套美劇,再嚴選呢幾套美劇入面嘅美女;劇,喺IMDb嘅評價一定唔會低!至於其他嘢,你自己睇~

(1)《True detective》 Alexandra Daddario

【Who is Alexandra Daddario?】你睇《德州電鋸殺人狂 3D》可能見過佢做嗰啲最典型畀殺人狂追嘅美女,你睇《沙灘拯救隊》亦可能會記得佢喺沙灘,不過佢更爆嘅演出,相信係喺《True Detective》(第一季)入面嘅呢一幕!(完整版自己睇劇,嗰場戲好好睇的,真心)

想睇完整版要睇劇!
佢喺劇入面係飾演偵探Marty嘅情人,即係第三者,成鬼日挑Marty機,令到Marty同老婆關係出現問題,再間接令兩個男主角反目。
呢幅相,我嘗試搵冇Blur嘅版本,不果,係我無能!對唔住讀者!

【劇有幾勁?】IMDb上有成9分,你需知道要喺IMDb攞9分係超難,大部份出名美劇都係得7至8分咋。《True Detective》第一季Matthew McConaughey(《星際啟示錄》主角)同Woody Harrelson(《天生殺人狂》主角)坐陣,演技當然冇得講。一開頭未到戲肉,講兩個警察查探前警察Rust同Marty,懷疑Rust 同某案件有關,初頭講好多回憶,一路睇一路心諗,呢兩條主角咀賤又麻麻煩,叫咩鬼嘢True Detective呀!但睇睇下先知,唔係喎,佢哋為咗真相同正義,真係True Detective,所以話好戲在後頭就係咁解。(不過第二季就差少少喇!)

(2)《Daredevil》Deborah Ann Woll

【Who is Deborah Ann Woll?】喺劇入面佢飾演夜魔俠佢哋救過嘅OL,再做埋夜魔俠間律師行嘅秘書。我一路睇一路覺得佢真係好好睇(純情OL,i like it)。不過後來佢再喺Marvel嘅另一套劇《制裁者》出現,仲同制裁者有路,我就覺得「媽好亂呀」,因為佢明明同夜魔俠錫錫過,係一對架嘛!

想搵一張泳衣照放下都冇,就知佢真係純啦!

【劇有幾勁?】IMDb有9分,呢套劇勁就勁在「動作」同「劇情」嘅完美平衡。第一季第二集一邊描繪夜魔俠身世,因為佢老豆喺佢細個時畀壞人打死,到講返佢做夜魔俠去救畀人綁架嘅細路。好多外國觀眾都非常喜愛呢一集嘅最後一場戲,一個7分半鐘長鏡頭,講佢唔顧自身安危殺入敵陣救細路,全程無剪接,純靠演員動作同走位,係超高難度嘅拍攝。而且,打得好好睇。

(3)《Game Of Thrones》Emilia Clarke

【Who is Emilia Clarke?】古語有云,識J一定係J龍母,睇《權力遊戲》梗係睇飾演龍母嘅Emilia Clarke!雖然好多人都話佢去到第七季有啲走樣,但佢喺第一季全裸上陣時,真係好pure好True!同埋大家有時間可以睇埋佢真人嘅訪問,真實世界嘅佢,冇龍母咁cool,反而係活潑系嘅豪放女,有另一種吸引力。

【劇有幾勁?】有睇開美劇嘅都唔需要多講,冇睇開嘅,我都唔多講,你淨係上Youtube打「game of thrones reaction」,好多外國嘅youtuber都會拍低自己同啲朋友睇GOT嘅反應,啲片閒閒哋都幾百萬click,同埋你睇到佢哋啲反應,就知呢個「魔幻+權鬥+Underdog復仇劇」係幾咁燒腦,幾咁精彩。

(4)《Friends》 Jennifer Aniston

【Who is Jennifer Aniston?】我唔介意你話我Old School,因為我有自信你睇完都會有反應。近日Netflix重新上架嘅經典老美劇《Friends》,網上面都見到有人講返,就算而家睇返,前畢彼特嫂Jennifer Aniston都係完全同「索」呢個形容100%同步,無論身型、樣貌、氣質都係女神級。

【劇有幾勁?】一套劇可以歷久不衰一定有佢嘅原因,我身為創作人,可以大膽同你講,最難作嘅嘢,一定係笑話。《Friends》最強嘅地方,就係可以令你10秒笑一笑,20秒一大笑,要喺短短二十分鐘一集度,每集都度成100個笑話,其實係超高難度嘅創作,加上劇本描寫嘅角色人物好立體到肉,有時放工心情麻麻最適合睇兩集就瞓。Btw,當年經常被外國粉絲討論嘅一點,就係點解《Friends》入面啲演員經常突點,好似冇戴Bra但又明明有見到Bra帶(見上圖)。

(5)《New girl》Zooey Claire Deschanel

【Who is Zooey Claire?】做過唔少戲,不過可能比較令港人印象深刻嘅係《失戀五百天》,除咗係演員外,佢仲係創作歌手,而我之所以揀佢,係因為佢喺《New Girl》入面真係好可愛。佢喺劇入面飾演失戀女教師,仲成為三個男士嘅室友,係,我成日FF佢係我室友嘅。

【劇有幾勁?】IMDb唔算好高分,有7.8分,估計係因為有成7季,好多時勁嘅劇都有原著去跟,所以長啲都Keep到質素,但一般呢啲處境喜劇,都係頭幾季好睇,後面愈來愈多情節重覆,因為角色同場景來來去去嗰幾個,變魔術都變唔到啲新橋出嚟啦!不過一開頭係好睇嘅!

P.S.我個名叫I Am Deep D,將會喺不久嘅將來同大家講多啲美劇嘢!

【影評】《屍殺片場》電影的用心不單單是一鏡到底 影評: 數近期入場觀看最有趣的作品,一定是這套cult卻好評如潮的小作品《屍殺片場》。正如入場前大家都知道的一樣,這部作品一開首就來一個一鏡到底的喪屍小 ...
hobby
【影評】《屍殺片場》電影的用心不單單是一鏡到底
18 Oct 2018
香港電台電視劇《火速救兵IV》成功拍出口碑叫好叫座? 近日煲劇界最火紅的係邊一套劇集?唔係netflix唔係美劇,而係我地最夠guts本地電視台---即香港電台拍攝的本地電視劇《火速救兵IV》,這套香港電台電視部與 ...
hobby
香港電台電視劇《火速救兵IV》成功拍出口碑叫好叫座?
18 Oct 2018