{ SKIP }
文:MenClub 熊熊  圖:互聯網
POSTED ON 14 Oct 2018

一度成為潮語嘅「機會嚟啦!飛雲!」,出處嘅魔神英雄傳原來已經誕生30年,日本嘅官方配合哩個時機,推出首批限定商品。

當中包括有:

龍王丸Tee:以當年大熱嘅扭卡機嘅閃卡展示。

飛雲與虎王印Tee:當年大熱嘅燙畫Tee,但洗兩洗就裂晒,依家轉為絲印,襟洗好多。

飛雲與虎王mug:同樣嘅圖案印喺陶瓷水杯度。

創界山棉質tote bag:印咗元祖創界山圖案!

當然唔止得咁少嘢啦,官方更加放出資料,會將《魔神英雄傳》、《新魔神英雄傳》、《超魔神英雄傳》以及《魔動王》四部動畫推出大集合嘅BD Box Set。

《魔神英雄傳》同《新魔神英雄傳》早喺2013年同2014年推出過系列嘅BD Box,今次嘅大集合Box Set 有咩分別呢?以下係《超魔神英雄傳》嘅畫面。

原版SD畫面

BD Box Set HD優化畫面

可以睇到BD 版本有優化,唔知其餘三作會唔會有優化,如果真係有嘅,收咗之前嘅兩作,再收哩次嘅Box Set 都值得。(其實小熊最期望會有當年嘅粵語配音)

嚟緊喺日本池袋嘅丸井將舉辦《魔神英雄伝ワタル30周年記念展》,而且係免費入場。

魔神英雄傳系列:

魔神英雄傳:1988

系列嘅第一部,講述「龍神魂」嘅勾玉引飛雲將佢嘅學校整嘅泥公仔變成「龍神號」。成為救傷車,拯救畀魔王入侵嘅創界山。

新魔神英雄傳:1990

今次舞台移師到喺太空嘅星界山,龍神號亦升級為可以飛天嘅「新星龍神號」。當然故事亦係例牌成為救傷車,拯救世界。

超魔神英雄傳:1997年

無記跟返日本叫法,將「龍神號」轉返叫「龍神丸」,而今集係最多不同型態嘅龍神丸出現,雖然上兩集都有約干形態,但今集係每一層都會得到一個「心」,代表哩個「心」嘅「勾玉」可以將龍神丸「超力變身』為唔同形態。連埋古代救世主形態,今輯一共有九個唔同形態。當中小熊最鍾意「劍王」型態,果把咁嘅大劍真大把到呢!

另外仲有三部OVA,分別為《真魔神英雄傳 魔神山篇》、《魔神英雄傳 創界山英雄傳說》同《魔神英雄傳 永恆傳說》。

咁多年嚟,魔神英雄傳系列產品都唔算多,係近年先出返幾款質素高少少嘅Robot 魂、千值鍊產品以及組裝MAX FACTORY。希望嚟緊30周年會推出再多啲唔同嘅產品啦!

偷偷加返出處:魔神英雄伝

由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024