早前公佈一輪新一個大型更新嘅《Monster Hunter World - Ice Borne》再有新一輪嘅資料放出，今次更加正式公佈將會加入人氣嘅二代封面龍─「轟龍BB」。相信當年有玩過嘅，都會着住套下位好似校咁打到上位先轉裝。

轟龍BB 重登MHW 相信無人會投訴。一知加入永遠凍土，就知道佢會登場，不過估唔到嘅係，官方居然係發佈佢嘅「細佬」迅龍先，而官方都唔會走漏佢，喺適當嘅時候就會放佢出嚟！絕對唔會令fans們失望。

除咗登場怪物之外，仲有新嘅動作，就係可以「騎乘」啦！繼跳躍同埋飛繩後，另一豐富遊戲嘅新元素，暫時公佈騎乘作用只在代步，自從MHW 轉咗Open World 之後往往都好易迷路，加入哩個代步工具都真係幾方便我哋，起碼採集素材都好辦好多。

當然「大本型」同「營地」都個入雪景啦！貓貓們例牌都會加入新嘅服飾，齊齊凍冰冰咁上路啦！

各款武器當然亦唔執輸，明知有新嘢出，都要公佈返頂一頂。雖然哩堆應該都係入門裝配，要睇就等佢啲新龍出場，咁就有新素材，有新素材就有新裝備。

今次公佈嘅新龍，應該算係亞種?嘅風漂龍。名為霜凍刺風漂龍，令原本都好冷凍嘅風漂龍再添上一層寒意。

之前講秋天上架，不知不覺間已經嚟到6月了，好快就有得玩啦！準備好架生約好朋友齊齊上路啦！

《Monster Hunter World ： ICEBORNE》

平台：PS4 / PC 
推出日期：2019年9月6號預定
售價：實體版 6,990円(未連稅)起 / 下載版 4,800円(未連稅)起

詳細價錢及附送品請參考官方網頁。