《魔動王》，有睇過動畫嘅，你都應該都有返咁上下年紀，事業有/無成嘅都好，家庭都應該組織咗。有時都想重拾一下童年嘅回憶，但香港地方寸金尺土，想要儲一套模型又好，放枱頭又好，之前推出嘅產品都貴到一個點。想平平地，又想儲晒成套，又細細地，B廠新出嘅VA Mini 系列，相信可以滿足到三個願望。

主角「地隱俠」，招牌「大地神劍」，哩把神劍幾乎斬咗全部敵人。

「風飄俠」配上逆風而上嘅「暴風神弓」。

「水捲俠」有好似船杖造型嘅「流水神戈」。

睇得出高度還動畫設定，機仔細細(只得～11cm高度)，但全機完全上色，仔細度非常高，唔似啲盒蛋扭蛋咁，馬虎上色，有啲細位就略過唔上色。看似盒蛋咁機仔細細，以為犠牲咗可動性，相信見到包含嘅質材：ABS・POM・PVC・金屬Parts，你睇得出可動同穩定性一定有所平衡。擺下唔同嘅Pose，閒時扭下唔同Pose 保持下新鮮感，而仲可以變返做收納(得返個頭)嘅形態，而且更加附有專用座，可謂可玩性極高。而今次三隻一套咁儲，放枱頭都佔用唔多空間，mon 底企三隻，童年回憶返晒嚟。

VA MINI 系列 魔動王 3體套裝

發行日期：2019年11月予定
價錢：10,000円(未連稅)
全高：～11CM
質材：ABS・POM・PVC・金屬Parts
產地：中國製