《人中之龍》都幾乎係PS4 機主必備嘅一款遊戲。正傳外傳多不勝數，而正傳故事，以【桐生一馬】為主嘅故事，正式喺第六集完結。而最新公佈嘅第七集《人中之龍 7 光與闇的前方》主角改為喺十八年前代組織坐監「荒川組」嘅年輕黑道‧【春日一番】。無錯佢就係《人中之龍 online》嘅延續嚟，online 故事踩入正傳。

故事前設就係：2001年1月1日。隸屬東城會三次團體「荒川組」嘅年輕黑道‧春日一番受組長・荒川真澄所託，請他頂包若頭・澤城丈犯下嘅殺人罪。為了珍愛嘅組織以及尊敬嘅組長，春日自願出面頂罪並因此度過18年嘅牢獄生活，終於喺2019年出獄，以為會受到組織嘅熱烈迎接，可惜現實係殘酷，鬼影都唔見嚟迎接出獄嘅春日。然後就果啲老土故事展開啦！

故事以新形式開始，遊戲嘅舞台同玩法都嚟個大革新。

遊戲正傳出名自由度大，點玩都得，而且戰鬥亦係爽快感嘅隻抽／一打十，變成RPG形式嘅回合制，究竟會變成點呢？又會唔變成黑幫版《FF》呢？會唔會有召喚狗出現呢？

新故事，而舞台亦轉咗去新地方 － 【橫濱】。因為故事以RPG形式出現，唔再以open world 形式，所以地圖制作可以再大啲闊啲，暫時知訊係比前作嘅地圖大三倍。

由於有十八年前嘅設定，所以重點黑幫人物都有十八年前同現在嘅設定。

主角依家個樣感覺仲活躍過十八年前。不過都幾啱《人中之龍》一貫嘅作風。

設定上睇，佢將會係最大敵人。

《人中之龍 7 光與闇的前方》

遊戲平台：PS4
遊戲類別：RPG
發售日期：2020年1月16號
售價：8,390円(未連稅)