{ SKIP }
文:MenClub 波特先生  圖:互聯網
POSTED ON 20 Nov 2019

英超球隊熱刺今季戰績大幅下滑,上季英超排名第4嘅佢地12戰過後竟然只係排名第14位,與榜首嘅利物浦足足有20分差距。因此,今日熱刺宣佈將教練普捷天奴辭退,並盛傳「寸王」摩連奴將會入主。

上季嘅熱刺喺普捷天奴帶領下,除左於英超排名第四外,於歐聯更成功打入決賽,只係僅敗於同樣黎自英超嘅利物浦腳下。對於球隊黎講,上季雖然同樣都係四大皆空,但無疑算係成功嘅一季。可惜嘅係今季熱刺卻無以為繼,表現插水式下跌,英超12戰過後僅錄得3勝5和4負,排名第14位,距離降班區都只係多出6分而已。

而為了一改目前走勢,熱刺決定今日宣佈將領隊普捷天奴辭退,呢位47歲教練於2014年入主熱刺,並將球隊打造成一支具有爭冠能力嘅球隊,如今被炒實在令人感到可惜。而普捷天奴被炒後,盛傳前曼聯領隊摩連奴將會入主,甚至有消息指雙方已經達成共識,只欠最終落手簽名。

不過唔少人都替熱刺擔心,因為摩連奴嘅領軍方法與普捷天奴非常不同,前者可以短期令球隊戰力提升,但大多是以收購球員來即插即用,與後者懂得培養球員岩岩相反,因此會令熱刺本來已經建立嘅文化完全廢除。不過凡事都有兩面,只能夠祝福熱刺好運了。

網紅Jake Paul 及Logan 兄弟近年醉心打拳,更多次於不同賽事與名人、球星、前拳手較量,每次都吸引到大量注金同最重要嘅資金。而Jake Paul今日就宣佈,將於7月20日與前世界重量級拳王Mike Tyson進行表演賽,而且賽事 ...
sports
【網紅】Jake Paul七月擂台戰泰臣 Netflix有得睇
08 Mar 2024
球證應該點樣界定畀黃定藍牌呢?
sports
【足球】傳球壇將引入「藍牌」制度 被罰球員需離場10分鐘
09 Feb 2024