講起Kim Kardashian，香港人大概會記得佢係名媛、係Kayne West前妻，依家同《SNL》諧星Pete Davidson約會中，但如果你有返咁上下年紀、對外國成人影片又有啲研究，你或者會記得多年前曾經有Kim Kardashian與當年男友Ray J嘅性愛影片流出過。而事隔近20年，有傳Kim Kardashian因為擔心Ray J 手上仲有更多親密影片，所以用咗數十萬美金成立律師團體阻止流出。

圖片：kimkardashian on IG

卻說2002年，當時22歲嘅Kim Kardashian與時任男友歌手兼演員Ray J去咗墨西哥慶祝女方生日，期間Ray J將二人嘅親密過程以手提攝錄機拍下。後來二人分手，而該段影片就由「第三方渠道」落入Vivid Entertainment手中，於2007年被包裝成成人影片發售。雖然親密影片被流出係好慘，但影片流出後就令Kim Kardashian由「O.J. Simson個律師個女」一夜成為家傳戶曉嘅名人，可以話為其後20年名人生涯「開咗個靚頭」。

往後Kim Kardashian都避談此事，直到今年1月，其前夫Kayne West於Twitter上表示，自己當年曾經親自坐飛機去搵Ray J，拎返存有「更多親密影片」嘅手提電腦，再飛返去親手將部電腦交畀Kim Kardashian。Kim隨後透過公司發表聲明，指所謂「其他影片」只係當年二人搭飛機去墨西哥，以及於夜店玩嘅過程，「Kim肯定沒有第二條 (性愛) 影片」。

當年流出影片封面

圖片：《Kim Kardashian, Superstar》截圖

而據英國《The Sun》報導，有消息人士透露Kim Kardashian其實係相信Ray J當年仲拍咗其他「極私密影片」，而為防再次流出及保護現有家庭，佢就花咗數以十萬計美金成立律師團隊，並向律師們表示除非「Over my dead body」否則佢唔容許再有新影片流出。值得一提嘅係，當年第一條片流出之時，Kim Kardashian亦曾向Vivid Entertainment提告，最後以500萬美金和解。

而影片另一主角Ray J就曾於社交平台公開表示，第二條片嘅傳聞「Ain't Cool」，佢話「我一路以黎都避免高調，謙虛地專注於我收到嘅祝福之上。但如果呢啲嘢成日發生，我點展示我嘅成長與成熟？」

資料來源：The Sun