{ SKIP }
文:MenClub I Am Deep D  
POSTED ON 14 Jun 2018

《Sense 8超感八人組》剛剛發表埋最後一集嘅大結局,呢套劇雖然冇《Breaking Bad》同《Game Of Thrones》咁紅,但好多美劇迷都將之捧為「神劇」級,究竟佢有咩獨特之處?又改變咗美劇啲咩嘢呢? 

議題小眾化

港劇嘅主題狹窄,美劇比港劇嘅主題廣泛得多,但係亦都有公式可循,《Sense 8》算係打破呢種公式,喺同一套劇入面探討咗好多關於小眾嘅議題,例如係變性、同性戀、宗教、男女平權、種族,呢啲唔係成日都觸及嘅議題,好多評論家認為,《Sense 8》之所以拍到第二季就停,正正係因為唔夠大眾化,但同時,亦因為佢觸及小眾議題,所以好多關注小眾嘅朋友就會畀Like。 

詢眾要求埋尾

雖然唔肯定係唔係NETFLIX嘅Marketing手段,但想當初係話《Sense 8》兩季完咗,連呢個兩小時版嘅結局都冇的,當時群情洶湧,過咗無耐NETFLIX就宣佈會拍呢個結局。記憶中,呢次係少數因為觀眾嘅支持而改變一啲拍攝上嘅決定,此例一開,第日應該會有更多嘅「詢眾要求」嘅事件,就我看來,咁樣做都係長線投資,對電視台係百利而無一害。 

電影化的節奏與表現形式

美劇嘅節奏係急促的,一般都係靠轉折同估佢唔到嘅劇情吸引觀眾追落去,《Sense 8》劇情當然吸引,但好多表現方式都接近電影,節奏比一般美劇慢,有好多時都係「表達」重要過「劇情推進」,例如有一集講主角幾個共感者嘅「雜交戲」,用咗好長時間都唔係講劇情發展,而係講個「意境」,有睇呢套劇嘅朋友相信會明我講緊咩。  

新一輪的New Age熱潮

《Sense 8》除咗講小眾,亦都講咗好多New Age概念,例如係共感,例如係一啲關於宗教嘅諗法,美劇相關嘅表達唔多,《Sense 8》算係比較成功,所以可以預見嘅係會有新一輪嘅劇集都會牽涉到呢啲論說,拍緊第二季嘅《OA 先見之明》都算係踏住前人嘅路而開發嘅成功作品。  

後記:唔知大家知唔知,《Sense 8》係由《Matrix》系列嘅華高斯基姊妹創作,佢哋本來係兄弟,呢幾年變咗性,所以講呢啲課題咁到肉,我真心欣賞佢哋,做緊一啲比較小計算嘅創作!

連日嚟傳咗咁多新iPad Pro嘅消息,但10月過咗超過一半Apple都仲未有發布會嘅新消息,反而有配件生產商已經整定保護殼概念圖,而圖片亦同早前唔同嘅iPad概念圖差唔多,採用無「瀏海」嘅窄邊框全螢幕,Touch ID都移除 ...
tech
新iPad Pro保護殼概念圖流出 市場憧憬10月底發布
18 Oct 2018
美國NBA於昨日正式開季,大家可以欣賞到新賽季的同時,今年 A BATHING APE於「XXV」25 周年期間便與美國運動品牌Mitchell Ness 聯乘,以各隊人氣球隊的波衫為藍本,添上猿人迷彩的一次合作後,即時令波衫變得時尚感 ...
style
【球季正式開鑼】 A BATHING APE x Mitchell & Ness 迷彩Jersey系列
18 Oct 2018