中學時期嘅愛情永遠都係刻骨銘心，唔係單單因為佢係你第一次嘗試去鍾意人，更加因為當時我哋嘅感情只係單純嘅「鍾意」同「唔鍾意」，冇太多嘅計算、冇過份嘅顧忌，亦因為咁先會做出好多依家睇返傻到自己都笑嘅事，為嘅就係希望可以開花結果。 
突然進入感性Mode，唔係因為「我要初戀呀！」而係因為琴日睇咗星期四先上，由名同小說同漫畫改篇嘅日本愛情電影《一週的朋友》。入面川口春奈飾演一個「每到星期一都會失去所有對朋友的記憶」嘅女高中生「藤宮 香織」，而山崎賢人就飾演對佢好有興趣嘅同學「長谷祐樹」，為咗令香織記得自己而提出交換日記。其他劇情我就唔劇透，但反正就係一套好值得入場、會勾起青春愛情回憶嘅電影。就算唔係，睇下川口春奈都夠啦！
| 
