| 大家應該都仲記得Celine Farach呢位目前當紅嘅新一代性感女神——如果你唔知，咁你就要去睇下我哋之前特登邀請佢黎香港做嘅專訪——我認為Celine證明咗喺呢個世代，一個人係唔需要經過所謂「主流媒體」報導，都一樣可以擁有極高人氣。當然，網絡世界出到一個Celine，就一定仲有第二、第三、第四個。而我就睇好以下呢位Keilah Kang可以成為大家嘅新寵啦！ | |
| |
| 就咁睇個名同睇個樣，你都估到Keilah應該係有啲亞洲人血統，但佢本人就係喺土生土長嘅美國公民，目前就讀於北卡羅來納威明頓大學，亦係一個所謂嘅Instagram美女。Keilah早於2012年就開始玩Instagram，但一直到2015年都只係一個鍾意紀錄自己生活嘅普通人，本人亦好少清楚地出鏡。但去到2015年時就首次上傳一張性感泳衣照，首次得到過千Likes。見到反應好，Keilah亦開始Post多咗自己嘅泳衣照，展示自己瘦得黎又有胸嘅Barbie身材，如是者又吸引更多人Like，最後就成為一方「網紅」。 | |
| |
| 姣好嘅身材、健康膚色再加上亞洲人血統，Keilah越黎越受網民歡迎，連美國雜誌Maxim同Sports Illustrated都先後於年初訪問過佢。最驚人嘅係當時報導指佢有接近30萬Fans，已經算係好犀利，但今日再睇佢已經有超過60萬追隨者，短短幾個月多咗30萬人Follow，可想而知佢人氣升得幾快！ | |
| |
| 或者因為仲讀緊書，所以雖然追隨者眾多，但目前Keilah都冇動作真係要入行，換言之短時間內我哋都應該仲可以見到依家呢個最自然、最唔做作嘅佢。大家亦快啲把握機會Follow定先，到之後佢紅到黎香港，你就可以同啲Friend講：我一早J蹤啦，你咁Out架！ | |
| keilah.kang on Facebook | |
| keilah.k on Instagram |
