夏天出到成身汗就基本嘢，就算巴打冇大奶奶，只要有啲肉哋，一樣Feel到肉肉之間硬係有啲汗黏住嘅感覺，又濕又焗又黐立立，的確好難受，而擁有大奶奶嘅女士喺夏天就更常遇到呢個問題，係咁易出個街，南半球就出晒水，搞到周身唔聚財。

有見及此，美國洛杉磯設計師Erin Robertson就設計出一條名為「Ta-Ta毛巾」嘅大奶奶專用包胸毛巾，佢話有次吹頭時，諗起有冇方法可以阻止汗水流到落個肚，於是就喺屋企搵毛巾做下試驗品，將長形毛巾掛喺頸上，兩邊包住大奶奶，咁就可以Keep住大奶奶乾爽，唔怕南半球出晒汗好唔舒服。