國際足協(FIFA)岩岩就公佈左2017年世界足球先生嘅最後24人名單，其中入選嘅主要都係豪門嘅球星，係各位球迷都非常熟悉嘅名字。 | |
| 作為今年歐聯嘅冠軍得主，皇馬由C朗拿度領軍下一共有7位球員入選，係最後24人名單入面最多入選球員嘅球隊。而作為歐聯嘅亞軍，祖雲達斯則有3位球員，其中包括已經轉投AC米蘭嘅中堅邦路斯。另外，雖然失落聯賽同歐聯，但係巴塞仍然有4位球員入選，其中包括進攻核心MSN美斯、蘇亞雷斯同尼馬，但尼馬如今已經轉投巴黎聖日耳門。 | |
 | |
| 而英超方面，曼聯、熱刺、車路士同阿仙奴都有球員入選，其中只有聯賽冠軍車路士有超過1名球員入選，佢地分別係夏薩特同簡迪，而曼聯則有「呂布」伊巴謙莫域入選。 | |
| 雖然最後名單有24人，但係其實今次呢個獎基本上都無咩懸念，相信好大機會將由C朗奪得，因為佢帶領皇馬成功衛冕歐聯冠軍，又成功壓倒巴塞奪得聯賽冠軍，成為雙冠王，再加上佢喺歐聯決賽上個人攻入兩球，成為決賽嘅最佳球員，所以都無咩理由唔係佢拎呢個獎。 | |
| |
| 是次2017年世界足球先生獎項，計算日期由2016年11月20日至2017年7月2日，結果將由國家隊主教練、隊長、指定媒體及球迷所選出來的，頒獎禮將會喺10月23日英國倫敦舉行。 | |
| 世界足球先生最後24人名單： | |
1、奧巴美揚（多蒙特） 2、邦路斯（祖雲達斯／AC米蘭） 3、保方（祖雲達斯） 4、戴巴拿（祖雲達斯） 5、卡華積（皇馬） 6、C朗拿度（皇馬） 7、卻奧斯（皇馬） 8、馬些路（皇馬） 9、莫迪歷（皇馬） 10、拿華斯（皇馬） 11、沙治奧拉莫斯（皇馬） 12、基沙文（馬體會） 13、伊巴謙莫域（曼聯） 14、美斯（巴塞） 15、恩尼斯達（巴塞） 16、蘇亞雷斯（巴塞） 17、尼馬（巴塞／巴黎聖日耳門） 18、哈利卡尼（熱刺） 19、簡迪（車路士） 20、夏薩特（車路士） 21、山齊士（阿仙奴） 22、紐亞（拜仁） 23、維度爾（拜仁） 24、利雲杜夫斯基（拜仁） |
