距離NBA開季仲有兩個月，各位球迷可能仲有排等。不過，每兩年舉行一次嘅歐洲籃球錦標賽即將喺8月底展開，希望可以幫大家止下癮。而其中有唔少NBA球星亦都會參戰，其中就包括馬刺西班牙老將Pau Gasol。 | |
| |
| 現年37歲嘅Gasol，雖然由於年齡關係喺NBA已經不復當年勇，但係當佢黎到國際賽佢仍然係西班牙最強嘅武器之一。尋日西班牙就同委內瑞拉進行左一場熱身賽，其中Gasol亦都有上陣，雖然只係上陣左短短嘅23分鐘，但係佢就11投8中，交出21分5籃板，助球隊以90：62大勝對手。 | |
| 其實可以睇到今場比賽，Gasol作為中鋒面對委內瑞拉嘅球員都相當輕鬆，因為對方根本無一位身高同身型足以同佢對抗嘅球員，基本上Gasol都高出對方內線至少大半個頭，佢差唔多唔使跳都已經可以搶走籃板球。 | |
| 今次歐錦賽，好大機會係Gasol最後一次代表國家隊參賽，如果Gasol參加2020年奧運，屆時佢已經40歲，理論上係唔會再代表國家隊的了，所以相信Gasol今次參加歐錦賽必定雄心壯志，希望可以喺生涯完結前再為國家隊拎到一個冠軍。 | |
| Pau Gasol喺NBA曾助湖人拎過兩次總冠軍，成就相當高，但黎到國際賽嘅話，佢嘅成就絕對係比NBA有過之而無不及。首先，Gasol多年來都係西班牙國家隊嘅第一核心，而佢亦曾助西班牙拎到唔少獎項，其中包括：1次世錦賽冠軍、2次奧運亞軍、1次奧運季軍及3次歐錦賽冠軍，其中喺擁有美國隊嘅世錦賽入面能夠拎到冠軍，呢個絕對係Gasol嘅第一大榮譽。 |
