第一種
有啲猶豫咁答︰「Um……冇呀……」係因為驚太坦白話有男朋友，會令你卻步，所以就隱瞞自己有男朋友呢件事，等你同自己有多啲發展空間。

第二種
大方咁答︰「有男友呀，但係最近感覺麻麻地……」，把口話有男朋友，但又要同你講佢哋最近唔太開心，即係將個波推畀你，話你知︰我講左我有男朋友，不過呢期我唔開心你都有機，但係要追我嘅話就係你做主動你唔啱，唔好怪我收收埋埋唔話你知。

第三種
避重點咁話︰「如果有男朋友嘅話，就唔會同你咁Friend啦！」咁樣講會令你有飄飄然嘅感覺，覺得自己有機，但其實對方冇正面回答你有冇男朋友，只係氹下你令你覺得有機會發展。

第四種
直接答︰「有男朋友呀，佢仲好溫柔添，不過……咁樣講晒你知，咪唔可以再同你聯絡……」表面上好似拒絕你，因為又話有男友仲大讚對方好好，但又要補一句令你覺得條女對你有意思，可以搶得過，目的就係想你在乎自己，同激起你同佢男友爭過嘅鬥心。