西甲班霸巴塞隆拿近期可謂度過左一個令人失望嘅夏天，首先佢地竟然被法甲豪門巴黎聖日耳門以天價2.2億歐元搶走尼馬，導致球隊已經成熟嘅進攻三叉戟解體，其後引伸出球隊高層嘅無能，令球迷大感不滿。而最新消息則有指美斯對球隊高層亦開始不滿，特別係球隊竟然讓尼馬離隊，所以美斯目前亦不會同球隊續約，要睇下球隊發展如何先再作決定。除左美斯，有傳明夏將會約滿嘅恩尼斯達亦可能會選擇離隊，咁樣搞法「地上最強」真係隨時星散。 | |
| |
| 尼馬作為巴塞核心之一，一直被認為當美斯退落黎嘅時候，就係由佢頂上作為巴塞嘅領軍人物，但係估唔到巴塞竟然後知後覺，當日設定嘅買斷條款金額過低，再加上未能看清尼馬嘅心態，導致佢選擇離隊他投，造成不可挽回嘅破壞。雖然巴塞仍然有美斯，但係明顯單靠一個美斯已經唔能夠對抗宜家如日中天嘅皇馬，睇下西班牙超級盃兩場比賽就知雙方如今分野有幾大。 | |
| |
| 做成今日尼馬離去，巴塞高層絕對係責無旁貸，佢地無理會到尼馬嘅心情，只係照顧球隊大哥美斯，令尼馬形成離隊嘅想法，再加上當日續約定下嘅買斷合同金額未能夠預測今日市場走勢，最終巴塞無野可以做到下眼白白睇住尼馬離去。 | |
| 對於呢班高層，唔至球迷們大感不滿，連球員亦難以接受，其中包括美斯。近日，美斯就喺自己嘅社交媒體貼出一張自己與尼馬及蘇亞雷斯嘅合照，好明顯佢仍然慣住尼馬，咁嘅舉動亦都似係對高層嘅不滿。因此，同巴塞只係剩返12個月合同嘅美斯，並無提前同球隊續約，佢需要睇清楚球隊嘅情況先再作決定。 | |
除左美斯，隊中另一核心恩尼斯達嘅合同亦都係喺明年夏天到期，但至今佢仍然未同球會續約。而有消息指，「小白」正考慮明夏約滿後離隊，，佢直言過往從來無諗過離隊，但係宜家卻有呢個諗法，佢需要認真考慮自己嘅前途。 | |
| 雖然美斯同恩尼斯達目前仍然未續約，但係唔代表佢地一家會離隊，不過巴塞又真係唔好咁老定，因為有消息指英超曼城領隊哥迪奧拿正全力追逐美斯，希望將呢位舊將帶黎曼城，如果美斯真係對巴塞高層不滿，真係唔排除佢會轉投恩師嘅旗下。最終如果美斯同恩尼斯達都離開巴塞嘅話，咁樣當年嘅「地上最強」就真係星散啦！ | |
| |
