本網站正使用 Cookie
我們使用 Cookie 改善網站體驗。 繼續使用我們的網站即表示您同意我們的 Cookie 和 隱私政策。
【唔好怕醜】有啲價 唔怕講
文：傑克　　圖：互聯網
POSTED ON September 06, 2017 11:00 am
自從大部份商品都講求明碼實價，加上講價被視為貪小便宜、小氣、肉酸、孤寒、斤斤計較之行為，講價這門學問近乎絕跡。但其實，時至今日仍有很多服務、收費、貨品是需要講價的，唔講先至係笨呀！



信用卡年費/罰款

請問大家還有沒有致電銀行豁免信用卡年費呢？很多銀行都知道收年費是趕客行為，早已準備好電話錄音服務給客戶申請豁免，其實都毋須再與客戶服務員直接對話，唔使怕唔好意思。但很多人依然懶惰或無記性，找卡數從不檢查每個項目，銀行就是知道有這些大頭蝦客人存在，繼續博大霧收年費，年終都搵唔少架！另外，就算一時忘了在限期前還卡數而被多收遲交罰款，其實都可以致電要求退款，只要次數不太多兼且記錄良好，銀行也樂意豁免的。
 

上網費/電話費/電視費

以上三項服務的競爭非常大，各服務供應商不時都有新服務組合吸客，費用海鮮味極濃，加上他們為求吸新客及續舊客，都樂意提供多點優惠及折扣，因此，有心使用該公司的電視/上網/電話服務，只要肯花時間與對方討價還價，一般來說都可以獲得滿意的價錢與優惠。




買樓/租樓

樓市確是個很有趣的講價場地，因為買賣講需求，是買家想急買，還是賣家想急賣呢？誰拿到主導權，誰就可以壓價。所以，樓市暢旺一般是賣家話事，樓市淡靜就輪到買家渣旗。一般來說，賣家標價都會略高，好讓買家有議價空間，所以買樓是必須要講價的，三兩萬是基本消費，因為賣家早就預留定緩衝位，而最終平到幾多，就要看當時樓市氣氛及自己的議價能力了。
借貸

今時今日，仍然收到很多銀行或財仔的來電，宣傳低息貸款。作為精明投資者，如果貸款確實夠息低，用來投資在高息股上，股息都足夠支付借貸利息，條數計落確實化算。不過貨款息口又是海鮮價，除了視乎當下的銀行水浸情況、借貸條款等，也講求銀行與借貸人之間的角力，即是借貸人如果嫌息貴，對方多數願意再度身訂造另一低息計劃，息差收入始終是銀行主要收入之一，佢急你唔使急喎。















COMMENT
01 Aug 2025
POWER & MONEY
【職場】Z世代最討厭的上司類型 「高壓」、「情緒化」最惡頂
隨住年紀、年資增長，相信睇緊呢篇文嘅你有可能已經係公司嘅中層甚至管理層，要帶領班年輕嘅下屬工作。咁做得上司，大概都唔希望自己被下屬討厭，問題係依家班「Z世代」究竟鍾意點樣嘅上司？又討厭點樣上司嘅邊啲行 ...
READ MORE
23 May 2025
POWER & MONEY
【工作】讀理科搵唔到工？ 美研究指文史哲畢業生失業率更低
過去多國大力推行STEM（科學、技術、工程、數學英文首字母縮寫，以下簡稱理工科）教育，加上近年AI技術大爆發，帶動半導體、電腦科學等熱潮，大家或者會以為未來讀理工科一定比文科更吃香，至少唔怕搵唔到工。不過近 ...
READ MORE