本網站正使用 Cookie
我們使用 Cookie 改善網站體驗。 繼續使用我們的網站即表示您同意我們的 Cookie 和 隱私政策。
幾時應該劈炮唔撈？
文：傑克　　圖：互聯網
POSTED ON November 01, 2017 11:59 am
身為打工仔，都無咩望，還望份工夠穩定，公司不會裁員，上司唔會炒人，年年有得提升小小人工，夫復何求？其實做打工仔都唔使咁被動，如果有充份理由，辭職唔做都未償不是好事。
公司勢危
作為員工，就算唔大想頭話想升職加薪，最起碼間公司都要有穩定業務，年年有盈利，咁份工先叫穩陣。不幸地公司如果經營不善，高層又無法扭轉局面，而自問自己又未勁到有能力拯救公司，這樣的話，恐怕要及早跳船另謀高就了。
待遇更好
轉工，相信絕大部份人都是為了一份更高的人工吧，如果其他公司的開價較高，離開實在合情合理。不過除了薪金之外，也要留意雙糧、津貼、假期、醫療等各種福利，如果舊公司出緊13個月糧，新公司卻只得12個月糧，而且假期又少兩日，返工地點又遠，七除八扣之後，可能舊公司待遇好過新公司，走左反而搵少左架！
前途無限
除了人工之外，當然也要計算前途及機會啦！例如新公司可能人工差少少，但提供進修機會、或出外工作擴闊眼界，又或者新公司可能規模較少，但學習及晉升機會較多，這情況下，出去衝一衝，對個人成長可能更有利。
追尋夢想
人生有甚麼開心得過，能夠在自己喜歡的行業打拼呢？如果你有幸搵到一行自己很感興趣的行業，而又有入行機會，哪管人工低到無倫，都好應該試一試。試想想，你寧願每日都充滿快樂地工作，只是出糧那刻較為失望，還是每日都充滿痛苦地工作，只有出糧那天稍有安慰呢？
失去目標
如果你感到目前的工作很安穩，同事岩傾、環境舒適、工作簡單、人工尚可、上司好人，簡單講即是做一世也無所謂，有這種感覺的話，其實是時候請辭了。因為這種磨滅鬥志的狀態，越留得耐，只會再浪費更多時間，辭職可以迫使自己重新檢視自己的目標，重燃心中的那團火吧！
COMMENT
01 Aug 2025
POWER & MONEY
【職場】Z世代最討厭的上司類型 「高壓」、「情緒化」最惡頂
隨住年紀、年資增長，相信睇緊呢篇文嘅你有可能已經係公司嘅中層甚至管理層，要帶領班年輕嘅下屬工作。咁做得上司，大概都唔希望自己被下屬討厭，問題係依家班「Z世代」究竟鍾意點樣嘅上司？又討厭點樣上司嘅邊啲行 ...
READ MORE
23 May 2025
POWER & MONEY
【工作】讀理科搵唔到工？ 美研究指文史哲畢業生失業率更低
過去多國大力推行STEM（科學、技術、工程、數學英文首字母縮寫，以下簡稱理工科）教育，加上近年AI技術大爆發，帶動半導體、電腦科學等熱潮，大家或者會以為未來讀理工科一定比文科更吃香，至少唔怕搵唔到工。不過近 ...
READ MORE