| 《色，戒》入面張愛玲講過：「通往男人心的路，是胃。」如果係真的話，以下呢條橋或者真係work都未定。 話說最近日本有兩個㗎佬寫咗本￥250嘅食譜擺喺Amazon Kindle平台度賣，名字叫「作ってあげたいコンドームごはん」，Google Translate直譯就係「避孕套飯我想要」，簡直係「官人我要」啲friend。 | |
| |
| 顧名思義，本食譜就係教人用condom嚟整餸，冇錯，係堅嘅dom dom，仲要有11味餸咁多，由前菜去到甜品都有！啲避孕套當然唔食得，但食譜就發掘出佢哋嘅另類優點嚟方便整餸，例如可以好容易咁包到手卷，最衰係冇教埋人咩生果味嘅套同咩食材夾會特別好味啫。
寫食譜嗰兩條友亦深明食神教落嘅道理：「作為廚師要照顧到食客嘅心理，等如三級片女星都要隆胸去取悅觀眾一樣。」所以佢哋自己就唔出面，改為請咗烹飪blogger遥野ユカ擔任監修，上鏡揸住個dom dom影相做封面。當然，如果封面女郎相貌更加索或sexy嘅話，我會更樂意毫嗰￥250畀佢哋啦！ | |
| |
| 睇落成件事好騎呢，但原來背後係有好崇高嘅理念，就係兩位作者察覺到近年日本嘅墮胎同性病問題愈嚟愈嚴重，於是打算借呢本食譜嚟喚起男士戴套嘅意識，用意偉大，欽敬欽敬！或者班日本妹真係可以用食物嚟俘膚男友或老公個心，令佢哋謝絕「毛兔」呢。 避孕套食譜11味 避孕套涼粉 避孕套冰朱古力醬 田螺醬烤避孕套 避孕套咖哩抓飯 避孕套餅乾 避孕套水果冷糕 避孕套壓壽司 避孕套甘酒 銀魚避孕套舞飲食 避孕套釀肉 壽喜燒避孕套 | |
