| 「又要威又要戴頭盔」有新演繹了。係人都知太大芒嘅手機好難單手用到，不過唔少人硬係鍾意挑戰呢種難度。為咗滿足呢班人，最近日本公司Tanko出咗一個叫做YubiNobiiru嘅手指增長器，可以幫手指公增長1.5cm，等佢哋單手篤得晒成部大芒手機。 | |
| |
| 呢隻假手指定價1,480日圓（約$105），重11g，指頭上面有嚿類似iPad觸控筆嘅膠，想篤大芒手機啲icon，都要嚿膠對準個icon先得。呢個時候出件咁嘅嘢，係人都會諗係為比想像中大部嘅5.5吋iPhone 6 Plus而設，不過廠方強調其實所有大芒手機都啱用，當然包括Samsung GALAXY Note系列。 諗到呢個idea，除咗因為日本上班族鍾意喺電車上面企住、一手扶扶手一手玩手機外，原來業界仲做咗啲調查，結果顯示唔少日本婦女認為用大芒手機講電話，會映得塊面細啲。咁都得？筆者以前都唔明，而家終於明晒，點解佢哋明明篤唔到都要用咁大芒嘅手機。 | |
|
