本網站正使用 Cookie
我們使用 Cookie 改善網站體驗。 繼續使用我們的網站即表示您同意我們的 Cookie 和 隱私政策。
揀老公別揀財經佬
文：傑克　　圖：互聯網
POSTED ON December 22, 2017 11:59 am
若要生活好，除了不買利物浦之外，可以嫁個消防佬、地盤佬、巴士佬……但，別嫁財經佬。點解？因為財經佬的價值觀、身處環境、擁有學識等，都對於另一半產生不少風險！
外表出眾
金融業一般要求員工穿著整齊恤衫西褲、西裝打呔，正所謂人靠衣裝，一個身型麻麻的男人，當穿起筆挺西裝時，外表也特別出眾，倍添吸引力，容易引來周遭女性埋身，增加出軌機會。同一道理，女金融從業員一樣要裝扮得斯文大方返工，對男性也別具誘惑，定力少一點的財經佬好容易墮入情網，老婆只能在網外看。
無暇顧家
自從港交所延長了交易時段兼且將夜期時段推遲至凌晨一點收市，單單香港的交易時間已經長到不得了，財經佬隨時因為要睇實個市，忙得不可交關。加上歐美股市、東南亞股市等也愈來愈普及，對財經佬來說，真係一日廿四小時都要隨時候命。如此忙碌的工作，難免影響家庭生活，做老婆的只可以忍受了。
睇錢緊要
財經人對金錢非常敏感，成本效益、性價比、機會成本等無所不知，因此，他們對於一分一毫的使費都會計過度過，性價比低的東西不會買，胡亂花費浪費機會成本的事不會做，老婆想話多買一對鞋一個袋，可能都要向財經老公解釋一大輪，好鬼無癮。
熟悉風險
投資理財都離不開風險管理，股神巴菲特的投資第一戒條就是要保本保本再保本，身為財經人也必定深深烙印在腦海。因此，財經佬很善於做風險管理之事，假設凡男人都心思思想偷食的話，財經佬有較大機會將之付諸實行，因為他們懂得控制風險，將被揭穿的機率降至最低，甚至乎作好隨時止蝕的必要，將資產不知不覺地轉走晒，一旦離婚分身家也不會入肉！
 
請記住，以上純屬筆者個人意見，如果你身邊的財經另一半是顧家好男人，咁就恭喜晒喇。
COMMENT
01 Aug 2025
POWER & MONEY
【職場】Z世代最討厭的上司類型 「高壓」、「情緒化」最惡頂
隨住年紀、年資增長，相信睇緊呢篇文嘅你有可能已經係公司嘅中層甚至管理層，要帶領班年輕嘅下屬工作。咁做得上司，大概都唔希望自己被下屬討厭，問題係依家班「Z世代」究竟鍾意點樣嘅上司？又討厭點樣上司嘅邊啲行 ...
READ MORE
23 May 2025
POWER & MONEY
【工作】讀理科搵唔到工？ 美研究指文史哲畢業生失業率更低
過去多國大力推行STEM（科學、技術、工程、數學英文首字母縮寫，以下簡稱理工科）教育，加上近年AI技術大爆發，帶動半導體、電腦科學等熱潮，大家或者會以為未來讀理工科一定比文科更吃香，至少唔怕搵唔到工。不過近 ...
READ MORE