本網站正使用 Cookie
我們使用 Cookie 改善網站體驗。 繼續使用我們的網站即表示您同意我們的 Cookie 和 隱私政策。
正確理解金錢的詮釋
文：傑克　　圖：互聯網
POSTED ON January 08, 2018 11:59 am
關於金錢的詮釋有很多，有些好像是至理名言，信者得救，但其實每句名言都有深層意義，如果只著眼面個浸而忽略底個浸，好容易有所誤解，影響我們邁向成功。就好像以下的金錢名言，要花點心思好好理解呀。
要發達，唯有錢搵錢
打工皇帝萬中無一，一般人要發達要致富，單靠工作賺錢實在是妄想，所以投資者都相信唯有錢搵錢才有致富機會。但要記住，錢搵錢唔係咁簡單，以為有筆資金拎去投資就會賺大錢，投資尤如做生意，必須要做足功課，從錯誤中吸收經驗，才有望成功，否則亂咁投資與將錢扔落海是無分別的。
世上沒有易賺的金錢
這句名言是要告戒我們，賺錢沒有捷徑，沒有不勞而獲。但如果我們總是認為賺錢很困難，凡事都覺得沒有可能，咁就真係永遠都賺不到，既然沒有易賺的錢，我們更應該努力去做！
慳得幾多得幾多
節儉是美德，是永遠對的名言，上幾代的人，很多都是憑藉一分一毫的儲蓄來獲取第一桶金，但時代已變，今時今日單靠儲蓄真係唔使旨意買到樓，所以沒必要花心思在如何節儉，不如花時間精神研究如何開源，例如搵多幾份兼職、學習投資、想想創業等，千萬不別用錯心思。
錢不能賺盡
現今網民心態興非黑即白，既然錢不能賺盡，即係有錢都唔好賺。如是者，投資時經常賺粒糖就算，做生意只著眼微利，錢不能賺盡，不代表不去尋求最大利益，不賺盡是告戒大家不要過於冒險想去賺到盡，但盡力去賺則是必須的。
金錢是惡魔
金錢經常被指是邪惡，是引起人類貪念的根源，而且，富裕之家往往是親情薄弱，金錢誘惑令後人爭產，所以有錢未必一定生活快樂。每件事都有好與壞，視乎我們如何去看待，可想過有錢可解決很多問題， 居住、教育、醫療、交通、飲食、娛樂等等，有錢一定比起沒錢好，至於金錢惹來的各種誘惑，就在於我們對金錢的態度，有錢不一定會周身蟻呀！
COMMENT
28 Aug 2025
TECH & GADGETS
【科技】Elon Musk控告Apple及OpenAI壟斷 指Apple降低自家Grok及X App排名
隨住越黎越多人習慣使用AI，AI就成為各大科技龍頭企業嘅重點競爭場地；而除咗完善自家AI之外，當然會有人嘗試用場外方法爭勝。好似Elon Musk旗下嘅X Corp及xAI，近日就控告Apple及OpenAI壟斷AI市場。 Elon Musk ...
READ MORE
28 Aug 2025
HOBBY
【影視】網傳RDJ與死侍於《Doomsday》片場炒大鑊 消息人士闢謠：「佢兩個都無見過面」
Robert Downey Jr. (RDJ) 以及 Ryan Reynolds都係充滿個人魅力及性格嘅當紅演員，不過或者就係因為佢哋太有性格，所以近日就傳出二人於《Avengers: Doomsday》嘅片場中炒大鑊，甚至要Marvel介入先平息事件。另一方面 ...
READ MORE