文:MenClub 波特先生  圖:互聯網
POSTED ON January 18, 2018 9:30 pm

摩連奴作為曼聯領隊嘅身份雖然比人感覺都好強硬同認真,但其實佢真人都係一個可以開玩笑嘅人。近日,呢位紅魔領隊被一家電視台嘅人玩,雖然開始嘅時候都有啲尷尬,但全程佢基本上都係滿面笑容的。

目前,曼聯排名英超聯賽榜第2位,距離榜首嘅曼城多達12分,要從後奪冠機會渺茫。另外,近日佢同車路士領隊干地亦爆發唔少罵戰,雙方不和嘅感覺成個球圈都感覺到,而咁樣亦因此令部份人士拿佢地黎開玩笑。
就喺摩帥近日從杜拜返回曼徹斯特嘅酒店時,有記者就走上前同佢做訪問,而摩帥亦有問必答,又非合作。其後當記者問完問題之後,佢就拎左一件曼聯嘅波衫出黎,希望摩帥可以幫佢簽名。相當友好嘅摩帥不虞有詐,原來該名記者手上嘅曼聯球衣,上面印住嘅名字竟然就係目前摩帥嘅「死敵」干地「Antonio Conte」。
當摩帥簽完名之後,佢先發現球衣上原來係印住干地嘅名字,雖然起初佢都有啲尷尬,但之後佢都係一直微笑住,無黑面無唔高興,實在相當難得!