| 一個寒風凜凜兼且要返工嘅星期一，終於捱到放工時間，大家係咪又凍又攰，好想快啲返屋企「捐」入被竇好好休息呢？就係知道大家星期一都特別難捱，所以日本漫畫家比村奇石於2015年開始就創作漫畫《星期一的豐滿》，以巨乳妹子為各位「社畜(日本打工仔的自嘲)」打氣！更加吸引GOOD SMILE COMPANY推出人偶。繼第一彈以可愛為賣點嘅Q版「小愛」，今次終於推出真人比例嘅「後輩」等大家欣賞其豐滿嘅心口！ | |
|
|
|
| 《星》漫畫於比村奇石嘅Twitter上連載，每星期一出一張圖，主角就係唔同嘅豐滿女性。而「後輩」就係其中一位，設定上係一位新人社員，可愛之餘又能幹，酒量差但係又鍾意飲酒，所以經常飲醉，然後就開始變High。今次嘅1/7人偶來自第91話中飲緊酒嘅後輩立體化，其豐滿身材於緊身白色恤衫中，加上黑色超短裙及白滑美腿，以及醉醺醺嘅表情實在係非常誘人。人偶亦有多個細節，例如若隱若現嘅白恤衫、滴在心口嘅紅酒、檯底下玩緊鞋嘅美腳，以及相當精緻嘅檯櫈、酒杯酒瓶，仲有可愛嘅「驚訝」替換顏。睇到「後輩」呢個樣真係幾攰都即刻有返精神呀！ | |
|
|
|
| 呢個「後輩ちゃん」人偶可以於GOOD SMILE ONLINE SHOP購入，售價為10185Yen(約730HKD)，預計今年12月正式發售。如果各位打工仔都想為自己打打氣就不容錯過啦！ | |
| Goodsmile |
