| 香港成日話要發展可再生能源，一直得個講字；香港講親要搞咩藝術項目，亦多數係得個講字，想睇多啲關於呢兩方面具前瞻性嘅發展，都係留意外國算把啦。最近丹麥就有建築師發表一個名為「丹麥之聲」嘅項目設計圖，既係可當成景點畀人參觀嘅藝術建築，更加係高效能嘅發電裝置群組，一物二用。香港？有地又話要嚟起樓啦！ | |
| |
| 「丹麥之聲」其實係大型風力發電裝置群組，有別於一般風力發電機嘅風扇形，建築師將每個發電機都整成號角咁款，設計靈感係嚟自古時北歐維京人吹嘅號角。成套群組總共包括12個巨型號角，分成4組，每大、中、細3個1組。 號角形嘅設計除咗可當成藝術建築外，其實仲有實際功效，氣流吹到號角入面，呢個形狀會 令風力集中，從而變得更強，再加埋號角內藏加速渦輪，增加發電效能，預計「丹麥之聲」 每年能產生117兆瓦嘅電力。 另外，有風吹過號角時，據說唔同號角仲會響起幾個類似丹麥語嘅發音聲響，夾埋聽落仲會變成太陽、水同冰呢3個代表自然嘅詞語，可作為聲音景觀嘅一種。「丹麥之聲」已經落實會起喺哥本哈根嘅海岸，坐言起行，人哋起完，香港嘅轉廢為能設施可能仲賣緊廣告。 | |
|
