| 去旅行通常都食好住好住好買好，所以通常黎講都係非常輕鬆，最唔輕鬆可能就係來回兩程機——機位又窄隔離個麻甩佬又同你搶扶手後面個阿嬸又踢櫈附近啲細路又喊又盛咁，真係辛苦過一早一晚逼地鐵。不過空中巴士(Airbus)近日就宣佈會推出首架臥鋪客機，最快於2020年乘客們就有機會瞓住去旅行啦！ | |
 |
|
| Airbus早前宣佈同法國嘅Zodiac Aerospace(卓達宇航)合作推出新款嘅A330型號客機，最大嘅特點係機上有真真正正嘅床舖，而非單純地「可以躺平」嘅座位，咁長途機嘅旅客就可以真真正正地瞓一個好覺。據知整個床舖空間(Sleeping Module)會座落於客機嘅貨艙，並以模組方式安裝，航空公司可以彈性使用。另外要注意嘅係呢個Sleeping Module真係淨係用黎瞓覺，換言之乘客必須先買一個正常座位，再加錢先能夠享用床位。但觀乎其間隔裝修，定價似乎就一定會畀之前新加坡航空推出嘅頭等套房合理。 | |