唔少巴打都係Gundam Fans，奈何好多時大家嘅另一半都只當Gundam係玩具，唔識欣賞佢，更甚者可能會將你哋當係寶嘅Gundam模型當係垃圾咁處理！假如有個能夠明白你愛好嘅另一半，咁你話幾好呢？嗱嗱嗱！唔係冇可能架，日本就有個巧手人妻，唔單只欣賞Gundam，仲親手織埋個Gundam冷帽畀自己老公！呢啲女人真係夫復何求呀！

日本網友「なみお‏ @wavemomchan」係一位家庭主婦，因為小朋友嘅興趣關係，近五年自己都開始接觸模型，仲越玩越專業，出去比賽仲拎埋獎。近期佢就喺Twitter Post咗自己親手織嘅Gundam冷帽，睇見呢位咁熱愛Gundam嘅太太，巴打們有冇好羨慕先？

連貓貓都有份一齊戴！幾時都話做貓爽過做人架啦！