| 【第四個登月大國】印度「登陸月球」短片諷刺爛路意外爆紅 | |
|
如果大家對科技和網絡有認識應知道印度先係真科技大國，網絡力量相當強大，世界上最強大最多人訂閱的youtube頻道大戰之一PewDiePie VS T-Series的T-Series頻道一直都係印度，呢個強大的咖哩王國最近發射火箭登錄月球，我地一向唔談政治，印度射火箭成功關人蛋治不過卻意外造就左一段爆紅的youtube短片，有一段印度登月的短片成功搶風頭網絡爆紅，仲紅出國際，呢段片難得粗制濫造，來自印度藝術家諷刺印度連基建道路都未搞好，街邊路面仲爛過月球表面，好彩你係民主大國印度，否則作為提出問題者，聽日就多一單屍體發現意外事故！
話說故事的背景係印度，印度係7月22日成功發射火箭登月，計劃預定時間9月6日即聽日就會登錄月球表面, 一但成功抵達登月印度將成為美國、前蘇聯和中國之後全球第四個登月的國家！威威啦，但早前就有一段印度本士短片流出，片中有身穿全套太空衣的太空人彷佛踏出印度的第一步，短片足以欺騙世人三秒咁多，之後就會發覺唔太對路，無錯條路真係好爛，原來係印度街頭爛路，係一位印度印度街頭藝術家Baadal Nanjundaswamy扮太空人拍攝，目的當然係串下國家的道路水平同月球有個「揮」，片段一出成為全國的熱門話題。 早前也有行為藝術家為印度道路爛的問題創作成行為藝術，但我就以為有水砲車經過 而家全世界都知印度道路好爛就正如全球都知印度咖哩好辣，政府一定要想法面對同改善道路水平，證明一樣野，拍片同文宣係最有成效改變社會的利器。
|
