能夠進入NBA嘅球員，大多數都可以話係身體質素最好嘅人類，所以只要係力量嘅對決基本上都難以與佢地相提並論。不過，如果鬥嘅係胃部或吞吃嘅力量呢？

日前，熱火年輕球員艾迪巴約就獲邀參加一個勁食漢堡包嘅對決，而對手相信係唔少人都一定聽過嘅前日本大胃王小林尊！！

當然面對小林尊呢位大胃王，艾迪巴約又點會係對手，所以佢係以3人之力挑戰小林尊的。不過，結果根本唔需要問，小林尊輕鬆輾壓艾迪巴約一夥，短短5分鐘小林尊一人已經食左20個漢堡包，相反艾迪巴約只係食到一個，期間佢更睇小林尊嘅食相睇到呆左，並且拎起手機掛住拍對方。

小林尊作為曾經喺10分鐘食到69隻熱狗創下世界紀錄，就算「巨無霸」奧尼爾黎到都只會一樣輸得一敗途地。