Menclub

潮得滯？水原希子被罵冒犯傳統

文：MenClub 魏文青　　
POSTED ON September 26, 2019 10:00 pm

日本名模水原希子憑著佢嗰塊有人覺得好「Fashionable」，我覺得係「西口西面」嘅…面，紅遍整個地球，大家都覺得佢有一種獨特氣質，真係企都企得型過人，凡人睇落再怪嘅嘢著上佢到大家都係會讚嘅——或者除咗早排佢幫德國雜誌《Indie Magazine》影落嘅呢幾張相？
在 Instagram 查看這則貼文 i_am_kiko（@i_am_kiko）分享的貼文於 PDT 2019 年 9月月 8 日下午 1:04 張貼
喺呢輯名為「An Education」嘅相中，水原希子換上一頭長髮，著起唔同風格嘅服飾拍照。相入面嘅佢又唔樣衰、啲衫亦唔覺太奇怪，其中有幾張仲幾意態撩人，照計就唔應該被人鬧，但個問題原來就出喺個背景到。呢輯相以日本傳統「和室」為背景，其中仲有一張係佢下身只穿一條內褲，以M字開腳嘅姿勢坐喺張茶几之上(雖然只係側面入鏡)，呢一點就觸碰到部份日本人嘅神經，覺得佢沾污咗著重端莊優雅嘅日本傳統文化，當然亦有人因為佢呢個甫士就會講啲「畀個正面黎睇下」之類嘅留言，令到件事格調更低。
在 Instagram 查看這則貼文 i_am_kiko（@i_am_kiko）分享的貼文於 PDT 2019 年 9月月 8 日下午 1:07 張貼
事實上，呢次都唔係日本人第一次因為自覺傳統被冒犯。早前美國名媛Kim Kardashian推出個人內衣品牌，好改唔改改個名做「Kimono」，雖然係食咗佢個名入去，但「Ki Mo No」正是日文「着物(即和服，きもの)」的羅馬併音，日本人就覺得你啲衫同和服毫無關係，仲要係內衣，但就改個咁嘅名，係唔尊重佢哋傳統，最後京都市長、英國著名V&A博物館先後出聲「勸阻」，日本網民亦發起網上聯署聲討，最後Kim Kardashian宣佈品牌會改名做「Skims」。
在 Instagram 查看這則貼文 Kim Kardashian West（@kimkardashian）分享的貼文於 PDT 2019 年 9月月 11 日上午 8:28 張貼
其實諗深一層，大家之所以咁鍾意日本，係因為佢哋有相當獨特嘅文化環境，而呢種環境正正就靠咁多代人嘅尊重同愛護先保留到依家，否則一早就流失於歷史之中啦！