近排呢個環境，大家都非常著重健康，但同時又好怕去睇醫生，於是有人就會上網Google下自己身體出現嘅唔舒服，以網上文章幫自己「診症」，但好多時明明係啲好輕微嘅嘢，佢都會話你係勁嚴重嘅病，然後你就會好擔心——冇錯，我就講係我阿媽 (好有可能大家嘅阿媽)！所以我就好想大家推到以下呢首《Never Google Your Sumptoms》比我阿媽睇到啦！
瑞典耳鼻喉醫生、語言矯正師兼歌手Henrik Widgren於2019年推出一首叫《Never Google Your Symptoms》嘅歌，正如歌名所講，就係叫大家有唔舒服都唔好Google自己嘅病徵，因為即使係極輕微嘅病徵，網上都會話你患咗極嚴重嘅病。或者係因為疫情關係，呢首歌近來喺日本Twitter又再盛行。
