唔該熄咗你個電話啦！我地而家係黎睇戲架！唔該熄埋個PAD PAD好嘛？光到我就黎睇唔到野架啦...All we know, it is the time to enjoy the show！等到年初七，慘過三年零八個月的香港電影業終於重光啦，可以再入戲院啦，當然未必個個都咁安心出行去睇戲，但香港電影業真係就嚟頂唔住，年初七起全新戲院禮儀片有新版本，新歌詞由戴偉重新，繼續有林二汶新海腦歌呼籲影迷一齊返戲院睇戲.....大家可以發揮創意避開大家唔安心的擔憂，帶好口罩保持社交距離，入來聽新版戲院洗腦歌啦！

全港戲院經歷78日停業，感覺好像三年零八個月漫長，終於2月18日年初七人日重新投入服務，常入電影院的朋友肯定會對百老匯院線和林二汶、插畫師b.wing、作曲戴偉合作的戲院禮儀片有所印象甚而一唱就上哂腦，為配合戲院經歷最長停業後重開的興奮心情，林二汶及戴偉再度攜手合作，為百老匯院線戲院禮儀片重新譜上新詞及重唱，呼籲影迷一齊返戲院睇戲：「大銀幕至靚至正，怎麼可取替到！」，亦為大家創造全新觀影體驗！「等戲院開真係等好耐喇！希望大家更珍惜可以喺戲院睇戲嘅時光。」「等戲院開等咗好耐啦！」真係所有電影人同電影愛好者心底嘅心底話：「戲院開返真係開心到想喊！多謝院線堅持到今日，亦希望大家報復式入去睇戲啦！」

全新版戲院禮儀片歌詞如下：

唔該熄左你個電話啦　我地依家全部返黎喇～唔該熄埋個padpad好嘛？　睇戲要入黎戲院先過癮架All we know~ it is the time to enjoy the show!All we know~ it is the time to enjoy the show!

等戲院開等好耐喇！　仲有爆谷機呢？（哇！唔該揸穩杯汽水呀）好多好多新片等緊你呀大銀幕至靚至正　怎麼可取替到

睇左哩套不如睇多一套It is the time to enjoy the show!