晚市有條件開返，相信大家呢幾日都會把握機會出街食啲好嘢，而相比起茶記都有得食嘅中菜，大家對西餐嘅需求相信就更加高，仲要今年係牛年喎，緊係要食下牛啦！位於灣仔嘅著名美式漢堡店Honbo就推出兩款牛肉新包啦！

Philly Cheesesteak費城芝士牛肉潛艇堡

Honbo由原本係醫生嘅Michael Chan於2017年創立，亦係Bloomberg 「全球最佳漢堡2020」中唯一一間上榜嘅香港漢堡店，以手工方式製作嘅漢堡大受好評。其中2月期間限定嘅就有Philly Cheesesteak費城芝士牛肉潛艇堡（HK$98），使用Double Gold級牛肉，切成薄片放入潛艇堡之後後加上洋蔥、紅椒及大量招牌半融芝士，係美國道地美食。只供應到2月尾。

美式煙燻牛腩漢堡

長期供應嘅就有美式煙燻牛腩漢堡(HK$158)，以往只有中環店有提供，最新就三間分店都有。以薯仔牛奶麵包夾著入口即融嘅德州煙燻牛腩，，配上provolone芝士、秘製 燒烤醬及金黃香口的洋蔥圈，極具滿足感。