Menclub

Styling Tutorial：5個Tips鍊成Smart Casual

文：MenClub jimjimmay　　圖：MenClub
POSTED ON March 11, 2015 3:34 pm

社會要求不同了。

過往傳統，凡有正經場合，男士必須全副「武裝」上陣，西裝裇衫打呔執到正一正，先算得上尊重，稍有甩漏，即時被認定失禮兼無taste。

時而勢逆，眼見蘋果之神Steve Jobs（Steve，你喺我心目中仍然係最好嘅！）、微軟之神Bill Gates、Facebook之神Zuckerberg，位位神人現身公眾眼前，都甚少穿「老西」，但他們依然魅力非凡。經過各位神人「真人表演」，「Smart casual」愈趨流行，衣著配搭變得更彈性，無打呔進入高級場所而被拒諸門外，好耐無聽過。

點至算「Smart casual」？簡單來說，可以「Not jeans, but not a suit」概括，無須再每每三件頭西裝上陣，不過，亦不能因為「Casual」一字便放肆亂穿，隨意「老牛」波鞋現身。跟住以下5個貼士，以防smart變stupid！

Tips 1︰穿合身衣服

要夾番smart一字，外表一定要醒神，over-sized的衫褲，肯定不達標。反之，穿上尺寸剛好的衣服，無累贅，行動和視覺都予人自若、瀟灑，這樣才可予旁人安全感。

Tips 2︰穿暖色系衣服

多挑選啡色、綠色、酒紅色、赤褐色等暖色系衣服，尤其是在冬天更加合適。這類色系的衣服，予人穩重及安全感，事實上，在重要場合也不宜穿上過於鮮艷及花俏的顏色！

Tips 3︰多入購冷衫

建議多買入不同款式的毛衣（冷衫），以取代西裝褸，無論V領、圓領、外套款毛衣亦可，內襯裇衫，下襯chino或西褲，已能做到smart casual。但係，切記切記（董太tone）：毛衣要保存得當，避免穿上滿佈毛粒、貓毛、狗毛，或是因衣架掛至起角的毛衣，好肉酸㗎！

Tips 4︰學習「層層疊」

香港人很愛穿羽絨，冬天來到一人一件，喺中環地鐵站大堂一望，何其壯觀啊！建議你不要輕率加入「羽絨軍」，正如上文提到，要smart，必須穿上予人醒神的衣服，你覺得「米芝蓮人」醒神嗎？所以，請學習「層層疊」著法，例如在白裇衫之上，穿上暖色系毛衣，外襯米色西裝款外套，既可保暖，又能令男士保持靈活動態。

Tips 5︰勇敢啲！投資靚鞋