台灣混血女神瑞莎琴日喺FB宣佈，將會與拍拖5年的男友Mike拉埋天窗，仲放出男友送嘅1.3卡Cartier求婚戒指。 講起兩個人嘅愛情故事，原來男友Mike在美國求學期間見到瑞莎的雜誌硬照就已經硬…呀唔係…係一見鍾情至啱，但直到10年在公司尾牙二人才正式認識，後來交換面書並且交往。瑞莎指到依家都覺得當時男友緊張到震哂個樣好可愛咁話。 | |
| |
| 但又唔好以為佢哋段戀情係一帆風順喎！因為中途佢哋曾經分手一年，但Mike仍持續當兵…呀我又講錯…係持續關心女方，對其噓寒問暖。為咗爭取與女方相處嘅時間，擁有雙重國藉的男方更加回台服役入伍，真係當咗一年兵。 | |
| |
| 後來二人復合，但又因為瑞莎對婚姻有陰影，所以Mike求婚超過廿次都未能成功。原來瑞莎19歲當年一時衝動，與當時相識1個星期的男友閃婚，但卻花了兩年來離婚，所以對結婚相當謹慎，每次都以「再給我多一點時間」來推卻，但最近一次終被男友感動，心想「不要再傷害這個人」，於是在弟弟見證下答應下嫁。 | |
| |
至於Mike究竟花咗咩招式冧掂女神？除咗「緊張可愛」、「噓寒問暖」、「卡地亞鑽戒」和「廿次求婚」之外，瑞莎指Mike係一個「吵不起來」的人，只要雙方有爭執，Mike就會說「一定是我不夠好，會更加努力」，又或者「那你跟我說，我要改什麼」…… 所以咪話女神份人心地好，比著某啲港女，你講得呢句佢就打蛇隨棍上，從此騎住個男人予取予攜啦！呢個肯定係關女神個人品事，絕對唔關Mike係台灣鞋業太子爺，坐擁過億資產事！因為女神話太子爺都係出糧，自己搵得仲多過佢喎！ 希望女神唔係指「我搵嗰份我嘅，佢搵嗰份都係我嘅」啦…… |
