| 之前我哋專訪過一位Iron Man fans，佢熱血到自製裝甲去cosplay Iron Man。其實全球當然仲有唔少熱血到咁嘅「燙斗人」粉絲，就好似泰國呢位叫Patawikorn Uttisen嘅高手，《Avengers 2》都仲未上畫，就已經率先整咗套Hulkbuster裝甲出嚟，仲快手過玩具廠出玩具！ | |
| |
| 睇Patawikorn Uttisen喺Facebook post嘅相，佢都係用番一貫嘅fans整甲方法，先搵Hulkbuster裝甲嘅模嚟剪裁出唔同嘅組件，但佢唔係好似其他製甲fans咁，用膠板嚟做表層物料，竟然係用噴咗油嘅皮嚟造，好特別。雖然Patawikorn Uttisen只係整番size啱佢着嘅裝甲，而唔係戲入面幾米咁高，之但係Hulkbuster套甲又橫又大嚿，detail仲多過普通Iron Man甲好多添，睇落製作難度應該高好多！ 不過睇成品啲相，手工同質感都相當好，尤其係對腳甲夠晒粗。最唔似只係個頭冇真Hulkbuster咁扁，大佬，真係要笠個頭入去㗎嘛，點整到咁扁呀！同埋睇番Patawikorn Uttisen嘅貼相時間，3月頭先開工，唔使一個月就完成，效率好高，有心嘅話，由Mark 1整到Mark 43，應該都唔使好多年。 | |
| |
| Patawikorn Uttisen Facebook | |
